بەبۆنەی جەژنی قوربانەوە، سەردانی هاوسەرۆکانی پارتی یەکسانی و دیموکراسیی گەلان (دەم پارتی) تونجەر باقرخان و تولای حاتەم ئۆغۆللاری بۆ شارەوانییەکان بەردەوامە. باقرخان لە سێرت و تولای حاتەم ئۆغۆللاری لە مێردین سەردانی شارەوانییەکانیان کرد.

باقرخان لە شارەوانی سێرت گوتی: "ئەگەر پێکەوە خەبات بکەین و یەکێتیمان بەهێز بکەین کەس ناتوانێت دەست بەسەر ئیرادەمان بگرێت. پێکەوە تورکیا دەکەینەوە وڵاتێکی دیموکراتیک تر. ئێمە تێگەیشتنی دەستبەسەراگرتن لێرە دەنێرینەوە".

هەروەها باقرخان لە شارەوانی میسرج تیشکی خستەسەر بەرخۆدانی گەلی جولەمێرگ و گوتی: "لەوپەڕی ڕاستەوە تا ئەوسەری چەپ گوتیان نا بۆ قەیوم".

تولای حاتەم ئۆغۆللاری سەردانی مێردینی کرد و شارەوانییەکانی بەسەر کردەوە، لە سەردانەکەدا گوتی: "بینیمان سیاسەتی قەیوم چۆن شکستی هێنا. ئەرکی ئێمە ئەوەیە سیاسەتی قەیوم پووچەڵ بکەینەوە و هەموو جۆرە تێکۆشانێک پیادە بکەین".

حاتەم ئۆغۆللاری ڕایگەیاند پێویستە خەبات لەسەر بناغەی خزمەتی گەل بێت، گوتی: "پێویستە تێگەیشتنی بەڕێوەبردنی شارەوانی بەبێ دواخستن بخرێتە نێو ژیانەوە. بەم واتایە لە هەموو جێگەیەک کۆبوونەوەی گەل ئەنجام بدرێت و بەبێ هیچ جیاکارییەک هەمووان بەشدار بکرێن لە کۆبوونەوەکاندا".

سەردانی هاوسەرۆکان بۆ شارەوانییەکان بەردەوامە.