ئەرەیاۋناکەو ناوەڼو چاپەمەنی و ئەرەیاۋنای هەپەگەی پی جۊرەنە:
"بە ڕێز و پنەزانایۆ هەمڕاما سۆرۆ خزگنۆسی یاڎ مکەرمېوە کە جە ٢٣ تەمووزو ٢٠٢٢ېنە جە کەشو گارەینە گەشمەرڎەبی.
ڕۆڵەی فیداکارو گەلوو ئامەدی هەمڕا سۆرۆ خزگنۆس جە قۆناغەو ۋێڕاوەبەرینە بە قەرارداریۍ گۊرۆ بەشداری دلۍ ڕیزەکاو ئەرەکۊشای بی و دژوو سوپاو ئەرەگیرو تورکی جە ئەرەکۊشایۍ بەردەوامەنە بۍ. سەرو ئەرەکۊشای فەرماندەی گۆرەیما چیاگەر هێڤی، ویستەکۍ ۋێش پەی ئەرەکۊشای ۋەرفراوانتەرکەرد. هەمڕاما جە هەرێمەکاو پارېزنای مەدیاینە چڼین دەوری شۆڕشگێڵنیش یاۋنۍ مەنزڵ و بە بەشداربیە مۆراڵییەکاش بی بە نمونەو جەنگاوەری ئاپۆیی. ئازاڎیی گەلەکەیما سەرو گرڎ چېوێوە نیێرە و چی ڕێنە بە گیانبازییوە جەنگش کەرد. بە هەمڕایی قەوەت و هەڵوێسی پاگیرانەشۆ هەمیشە ورە و مۆراڵ بەخشۍ بە هەمڕایا دەورووبەریش. قەناعەتش پاسەبۍ سەرکۊتەی جە کورڎەسانەنە بە هێڵۊو گیانبازییوە بە ئەنجام میاوۆ و گرڎ کاتێچ بە گیانبازییوە ئەرەکۊشا. هەمڕاما سۆرۆ کە سەرو ئی بنەمایۍ ئەرەکۊشایش بەرد ڕاوە، پی ئاواتۆ گەشمەرڎە بی.
قەول مڎەیمۍ میراتوو هەمڕایما بە سەرکۊتەی و بەزیڼەیی رابگېرمۍ. بێگومان ڕاپیمای ڕابەرایەتی ئازاڎ، کورڎەسانی ئازاڎما میاونمۍ بە ئەنجام، سەرەوەشی جە بنەیانەی قارەمانی و گەشمەرڎەیما و گرڎوو گەلوو کورڎەسانی وڵاتپارێزنیما مکەرمۍ.
زانیارییەکۍ دەربارەو ئشناسنامەو هەمڕا سۆرۆ خزگنۆسی پی جۊرەنە:
![](https://anfturkce.com/uploads/tr/articles/2024/07/20240723-image-20240723080108-1-jpeg7f5e08-image.jpg)
ناسنامۍ / سۆرۆ خزگنۆس
نامۍ و دمانامۍ / ئازاد یاندی
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / زەینەب – محەمەد
شۊنماو وەختوو گەشمەرڎەبیەی / ٢٣ۍ تەمووزو ٢٠٢٢/ گارەی.