پژاک ئاماژەی بەوەکرد، پارتەکەیان لەسەرتای دەستپێكردنی شۆڕشی نوێ گەلانی ئێران بەپێشەنگایەتی ژنان، هەڵوێستێكی روون و ئاشكرای لەسەر شۆڕشەكە و شێوە و بنەما پێویستیەكانی نیشانداوە و لەچوارچێوەی بەیاننامەدا هەوڵیداوە تا سەركاروانی ئەو كاروانە روونە بێت. ئێستاكە كە ووتووێژ بەدور شۆڕش و بەربەستەكانی شۆڕش گەیشتووەتە ئاستێكی بەربەچاو و بەربەستەكانی قۆناخەكانی شۆڕش ئاشكرا بوون.

هەروەها باسی ئەوەی کرد، " بەپێویستیمان بینی جارێكی تر تێڕوانین و پێشنیارەكانی خۆمان لەچوارچێوەیەكی كۆنكرێتی"یەكگرتووتر"بەیان بكەین، چونكە پێشكەشكردنی پێنشارگەلێك هەم بۆ گەلی كورد و هەم بۆ هەموو گەلانی ئێران وەكو پێویستیەك و خاوەنداری لەشۆڕش دەبینین. لەبەر ئەوەش لەم چوارچێوەیەدا و بەشێوەیەكی ریزكرا بۆ گەلی كورد و گەلانی ئێران رادەگەیەنین كە لەرێگەی شۆڕشی جەماوەری گەلانی ئێران، پەیوەستبوون بەبنەماكانی بەم چەشنە دەردەبڕین و بەوشێوەیەش وەكو مەرجی ئەساسی بەردەوامی و سەركەوتنی شۆڕش دەزانین."

راگەیەندراوەکەی پژاک بەم شێوەیەیە:

"رێگە چارەی شۆڕشی نوێ گەلانی ئێران لەتێڕوانینی ئێمەوە ...

دوای تێپەڕبوونی مانگێك لەسەر شۆڕشی نوێ گەلانی ئێران و خەرجكردن وتێكچووی ماددی و مەعنەوی زۆر و بەدەستهێنانی دەستكەوتگەلێكی بەنرخ و گرنگ و بەلەبەرچاوگرتنی و گفتوگۆگەلێك لەچوارچێوەی رێكارەكانی شۆڕش، ئەساس و بنەڕەتی ئەو شۆڕشە و داهاتووی شۆرش پَكهاتن، هاوكات بەلەبەرچاوگرتن مەترسیەكان لەبەرامبەر بەشۆڕش و "داهاتووی پاش شۆڕش" و داهاتووی گەل و گەلانی ئێران، پێویستی بە روونكردنەوە زیاتر لەلایەن هەموو رەوتەكانەوە، هێزەكان و كۆمەڵگە و پارتەكانەوە كە بە بیروڕایەكی ئاشكرا و روون، تێڕوانین و بەرنامەكانیان دەرخەنە روو، بۆ بەردەوامبوونی تەندروستانەی شۆڕش، بۆ خۆبەدوورگرتن لەچەمك و تێڕوان و بەربەستەكانی شۆڕشی ئازاد و دیموكراتیك، بۆ رێگرتن لە هەڵخەڵەتاندنەكانی رەوتەكانی دژە شۆڕش، بۆ نەخشەرێژكردنی راست و درۆست و تێڕوانینی شۆڕش بۆ ئازادی و دیموكراسی و ژیانێكی راست لەداهاتووی پاش لەقۆناخی هەنووكەیی راپەڕینی گەل، ئەرك و پێویستیەكە كە هەر رەوت و ئەجیندایەك، كۆمەڵگە و هەر پارت و هێزێك بەشێوەیەكی روون و ئاشكرا باوەڕبوون و بەرنامەكانی خۆی بۆ رای گشتی ئاشكرا بكەن و خەڵكیش بەلەبەرچاوگرتنی ئەو تێڕوانینانە و كردەوەكان بەدەم بانگەوازی هێزەكانی ناوبراوەوە بچن و بەوشێوەیەش هەڵسوكەوتیان لەگەڵدا بكەن.

پارتی ژیانی ئازادی كوردستان"پژاک"هەر لەسەرتای دەستپێكردنی شۆڕشی نوێ گەلانی ئێران بەپێشەنگایەتی ژنان، هەڵوێستێكی روون و ئاشكرای لەسەر شۆڕشەكە و شێوە و بنەما پێویستیەكانی نیشانداوە و لەچوارچێوەی بەیاننامەدا هەوڵیداوە تا سەركاروانی ئەو كاروانە روونە بێت. ئێستاكە كە ووتووێژ بەدور شۆڕش و بەربەستەكانی شۆڕش گەیشتووەتە ئاستێكی بەربەچاو و بەربەستەكانی قۆناخەكانی شۆڕش ئاشكرا بوون. بەپێویستیمان بینی جارێكی تر تێڕوانین و پێشنیارەكانی خۆمان لەچوارچێوەیەكی كۆنكرێتی"یەكگرتووتر"بەیان بكەین، چونكە پێشكەشكردنی پێنشارگەلێك هەم بۆ گەلی كورد و هەم بۆ هەموو گەلانی ئێران وەكو پێویستیەك و خاوەنداری لەشۆڕش دەبینین. لەبەر ئەوەش لەم چوارچێوەیەدا و بەشێوەیەكی ریزكرا بۆ گەلی كورد و گەلانی ئێران رادەگەیەنین كە لەرێگەی شۆڕشی جەماوەری گەلانی ئێران، پەیوەستبوون بەبنەماكانی بەم چەشنە دەردەبڕین و بەوشێوەیەش وەكو مەرجی ئەساسی بەردەوامی و سەركەوتنی شۆڕش دەزانین.

١ـ پێویستی پاراستنی پێشەنگایەتی ژنان و خاوەنداری لەناوەرۆكی ژنانی شۆڕشی نوێ و هەوڵدان بۆ رێگری كردن لەهەرچەشنە چەمك و كردەوەگەلێك و خواستەكانی پیاوسالارانە و دژەژن و رەگەزگەرایی، هەوڵدان بۆ پاراستنی تێڕوانی ئازادی ژنان و جەختكردنەوە لەسەر پێویستبوونی پەروەردەی كردەیی تاك بەتاكی كۆمەڵگە بۆ گەیشتن لەئاستی كەسایەتی و ئازادیخواز و یەكسانیخوازبووندا.

٢ـ خۆبەدوورگرتن لەچەمكی نەتەوەپەرەستی و ئەتنیكگەرایی، تێپەڕبوون لەچەمكی دین پەرەستی و مەزهەب پەرەستی لەلایەن هێزەكانی هەر بەشە ئەتنیكی و گەل و نەتەوەیەكەوە بەبێ جیاوازی و پێویستی تێكۆشان لەگەڵ ئەو چەمكانە، ڕەنگدانەوەی ئەم خۆدزینەوە و دژایەتییە لە قسە و كرداری سیاسی هەموو هێزە قبوڵكراوەكانی خەڵكدا.

٣ـ پێویستە تێكۆشان بۆ بەرقەراركردنی سیستەمی لامەركەزی"نەناوەندی" و جەختكردنەوە لەپلۆرالیزم و خۆبەرێوەبەری هەرێمی و ناوچەیی.

٤ـ جەختكردنەوەی ئاشكرا لەسەر خۆبەرێوەبەری هەر ناوچەیەك و ئازادی ژیان و كار و پەروەردە بەزمان و داب و نەریتی ئەو هەرێم و ناوچەیە بۆ هەر گەل و نەتەوەیەك و بەیانكردنی روون و ئاشكرای ئەم داواكاریە دیموكراتیك و كەلتوریە.

٥ـ هەوڵدان و تێكۆشان بەمەبەستی قەرەبووكردنەوەی كردارگەلی خراپەكارانە و دژە ژیان لەلایەن رژێمی ئیسلامی ئێران لەئاستی ئێكۆلۆژی و ژینگە.

٦ـ باوەڕی و هەوڵدان و تێكۆشان لەرێگەی بەدەستهێنانی مافی یەكسان و بەرابەر بۆ هەموو هاوڵاتیان بەبێ جیاوازی ئەتنیكی، رەگەزی، دینی و جەختكردنەوە لەسەر هاووڵاتیبوونی ئازاد و بەرابەری لەیاسای بنەڕەیتیدا، پەروەردە و گوتە و كرداری تاكەكان لەپرۆسەی تێكۆشان وەكو پەروەردەی دیموكراسی و بەرقەراركردنی ئەخلاقی هاوبەش و پێكەوەیی لەرێگەی گەیشتن بە نەتەوەی دیموكراتیك.

٧ـ ئازادی هەموو دین و مەزهەب و باوەڕیەك، باوەربوون بە هەبوون و رەنگدانەوە ئەم ئازادیە لەبواری پەروەردە لەهەموو ئاستەكاندا، بۆ پەروەردەی تاك و قەبووڵكردن و لێبوردەیی بۆ لەهەموو باوەڕی و دینێكدا.

٨ـ دژایەتی ئاشكرا و روون بەرەتكردنەوە و درۆكردنی لەمافی رەگەزی، ئەتنیكی و دینی و پێویستی رەنگدانەوە لەووتە و كردەوەی سیاسی هێزە شۆڕشگێڕەكان، هەوڵدان بۆ گەیشتن بە"یەكێتی لەگەڵ بوونی جیاوازیەكان"دا لەچوارچێوەی كۆتاهێنان بەدیالۆگی نالۆژیكیانە و ناهاوچەرخ و كردنەوەی رێگەی پێشكەوتن و هاوچەرخ و رێژەیی لەگەڵ قۆناخی هەنووكەیی.

٩ـ پێویستی یەكگرتوویی و هاودەنگی هێزە شۆڕشگێڕەكان و دامەزراندنی پلاتفۆرمگەلی جیاواز بەمەبەستی یەكێتی و یەكگرتوویی هەموو رەوت و لایەن و ئەجیندا و چین و توێژەكان و هێزە ئازادیخواز و شۆڕشگێڕ لەتێكۆشان لەگەڵ رژێمی تئۆكراتیك و دین پەرەست، هەوڵدان بۆ بەرقەراری سیستەمی خۆبەرێوەبەری دیموكراتیك، فرەیی و هاوچەرخ.

١٠ـ پێویستی بەرەوپێشبردن و گەشەپێدانی ناوەكی ڕاپەڕینی جەماوەری كە لە شێوەی كۆمیتە و ئەنجوومەنی ڕێكخراودا ڕێكبخرێت بۆ ئیدارەدانی ڕاپەڕین و شۆڕش.

١١ـ سەبارەت بە كاروبارەكانی تێكۆشانی گەلی كورد:

ئاـ تێكۆشان بۆمەبەستی بەدەستهێنانی ئازادی هەموو ناسنامەی چاندنی، كەلتوری، زمان، رەگەز، دین و ئەو باوەڕیانەی لەكوردستاندا بوونیان هەیە.

ب ـ پێویستە پاراستنی بێ شەرت و مەرجی رۆڵی یەكلاكەرەوە و پێشەنگایەتی ژنان لەتێكۆشانی گەلی كورددا.

ج ـ جەختكردنەوە لەسەر رۆڵی پێشەنگایەتی گەلی كورد لەشۆڕشی نوێ گەلانی ئێراندا و یەكگرتوویی رەوت و لایەنە كوردیەكان و قەبوڵكردنی سیمبۆلەكان بەمەبەستی یەكگرتنی هەموو رەت و لایەن و پارت و هێزە كوردیەكان لەچوارچێوەی بەشداری كردنی بەهێز و یەكگرتوو لەشۆڕشی نوێدا.

د ـ بۆنیادنانی دیموكراسی راستەوخۆ و رادیكال و بۆنیادنانی سیستەمی خۆبەرێوەبەری لەنێوان هەموو چین و توێژەكانی كۆمەڵگە و گەلی كوردستان و رەتكردنەوەی هەرچەشنە هەژەمۆنگەرایی ناوچەیی، زمان و دین و مەزهەب.

پارتی ژیانی ئازادی كوردستان لەچوارچێوەی ئەو خاڵانەدا، رایدەگەیەنێت دژی هەرشێوە لە"ئاڵاپەرەستی و سیمبوڵ پەرەستی"یە و تەنیا بۆ یەكدەنگی و یەكگرتوووی زیاتری هێزە كوردیەكان ئەو هەڵوێستە نیشاندەدات و ئاڵای كۆماری كوردستان تا دامەزراندنی كۆنگرەیەكی نەتەوەیی یا پلاتفۆرمێكی هاوبەشی گەلی كورد و دیاركردنی سیمبۆل یا سیمبۆلێكی دیكە، وەكو ئاڵا و سیمبۆلی یەكگرتوویی و یەكێتی هێزە كوردیەكان قەبوڵ دەكات.

بەهۆی هەستیاری قۆناخی شۆڕشی نوێ گەلانی ئێران و پێویستی بەئاشكرابوون و روونبوونی تێڕوانینی گەل و بەرەو پێشبردنی گفتوگۆی ئازاد و دیموكراتیك، بەپێویستی دەزانین ئەو بیروڕایانەی پێ باوەڕین و لەچوارچێوەی پارادایمێكدا كەلەرێگەی جێبەجێكردنی ئەو پارادایمەدا تێكۆشان دەكەین جارێكی تر بۆ رای گشتی رابگەیەنێن. شۆڕشی گەلانی ئێران بە دروشمی "ژن، ژیان، ئازادی" و بە گیانی پێكەوەژیانی ئازادانەی گەلان ئاسۆیەكی نوێ بۆ بەدیهێنانی ئازادی و دیموكراسی بۆ هەموو خەڵكی ڕۆژهەڵاتی ناوەڕاست بكاتەوە.

٢١ی تەشرینی یەكەم

٢٩ی مهر"١٤٠١ی هەتاوی"

پارتی ژیانی ئازادی كورستان"پژاک"

ف.ق