دۊڵەتو تورکی جە سیرینەنە کۆمکوژیش کەرڎ: ٦ گەشمەرڎۍ هەنۍ
دۊڵەتو ئەرەگیرو تورکی جە شارو سیرینو پانیشتوو کۆبانێنە کۆمکوژیش کەرڎ. لاو کەمیۆ ٦ کەسۍ گەشمەرڎۍ بیۍ.
بە پاو زانیارییەکا باڵە فڕێوە بێ فڕۆکەوانو دۊڵەتو ئەرەگیرو تورکی شارو سیرینو پانیشتوو کۆبانێ هەرێمو سەرنیشت و ۋەرکۊتوو سوریایش بۊمبواران کەرد.
بەپاو زانیارییە سەرەتاییەکا ٦ کەسۍ گەشمەرڎۍ بیێنۍ.
هامکات باڵەفڕیۇە بێ فڕۆکەوان هێزی شەوۍ سەعات دەوروبەرو سەعات ٢:٣٠ دەیەقۍ یانێوە دەگاو ئوم حەرمەلی شارو زرگانو کانتۆنو جزیرەیش بۊمبواران کەرڎ و جە هەمان خێزانەنە ٣ کەسۍ گەشمەرڎۍ بیۍ، چی هرووژمەنە ٨ کەسۍ زامڎارۍ بیۍ و ئاژەو بڕێشا سەختا.
