بەپاو زانیارییەکا، باڵەفڕێوە بێ فڕۆکەوانو دۊڵەتو تورکی هېزی شەوۍ سەعات ٢:٣٠ دەیەقۍ دەگاو ئوم حەرلەمیش جە شارو زرگانو کانتۆنو جەزیرەی یانێوەش بۊمبواران کەرڎ. جە ئاکامەنە، زاوڵێوە و ٢ کەسۍ تەرۍ گەشمەرڎۍ بیێنۍ. نامۍ گەشمەرڎەکا پی جۊرەنە: ئیبراهیم عوبەید ئەل سەیاد (٥٠ ساڵ) و حوسەین عوبەید ئەل سەیاد (٣٥ ساڵ) و جەمیل محەمەد دەحام ئەل سەیاد.

بەپاو زانیارییە سەرەتاییەکا، ٤ کەسۍ تەریچ زامڎارۍ بیێنۍ. دماجار ئەرەیاۋېیا ٨ کەسۍ زامڎارۍ بیێنۍ.

فرەو زامڎارەکا ژەنی و زاوڵێنۍ، فاڕیێنێوە پەی خەسەخانەکا حەسەکەی. نامۍ زامڎارەکا پی جۊرەنە: تریفە ڕەمەزان عەبدوڵا، سیهام ئیبراهیم عەبدوڵا، زەینەب ئیبراهیم عەبدوڵا، شەهد تەها عەبدوڵا، ڕەغد عەبدوڵا، ئەحمەد تەها عەبدوڵا، مەلەک محەمەد میری، فاتمە محەمەد عەبدوڵا.

بەپاو ئا زانیارییا جە سەرچەمە تەندرووسییەکاوە جە خەسەخانەکا حەسەکەیۆ یاوێنۍ، ئاژەو بەشێوە جە زامڎارەکا سەختا و فاڕیێنێوە پەی خەسەخانەکا قامیشلۆی.

تەئکیدکریانۆ کە گەشمەرڎۍ و زامڎارەکۍ مامۊزۍ یۊترینینۍ.