سەروناز ئەحمەدییە زیندانوو ئێڤینینە مانش گێرت
سەروناز ئەحمەدییە جە گیریایاو سەرەوردای ژەنی، ژیوای، ئازادیی کە زیندانوو ئیڤینینە گیریێنە و نەوەشیی درێژخواینش هەن، دژو نەدایپەنەی مۆڵەتی پزیشکی مانیش جە بەکارئاردەی دەرمانەکاو نەوەشییەکەیش گێرت.
بە پاو هەواڵێوی ڕادیۆ فەردای سەروناز ئەحمەدییە چالاکەو مافوو زارۆڵا و زیندانییە سیاسییا دژوو نەدایپەنەی مۆڵەتی پزیشکی و ڕەتکەردەیوەی داواکارییەکەیش پەی ئازادبییەی مەرجداری، مانیش جە بەکارئاردەی دەرمانەکاو "دڵەکوتە"ی و "ویەردەیوەی"ی گێرتێنە.
ئا زیندانییە سیاسیێ بە وەرپەرساو زیندانەکەیش واتەن، جە ئەگەروو تێکشییەی باری تەندروسی و ویەردەیۆشنە، مافوو ئانەیشا نییەن دەرمانەکاش بدانێ.
ئا ژەنە زیندانییە سیاسیێ کە ماوەو ١٦ مانگان و بۆنەو بەشدارییشۆ جە سەرەوردای ژەنێ، ژیوای، ئازادییوە زیندانییە کریێنە، سەرباروو ڕاپۆرتێ پزیشکیێ پانەی دۆخش گونجیا نییەن، پەی مەنەیوە جە زیندانینە، وەلێ ڕاگێری جە مۆڵەتی پزیشکی و ئازادکەردەی مەرجداری مکریۆ.
