بە پێشەنگایەتی تەژەئا، لە چوارچێوەی هەڵمەتی"ئازادی بۆ عەبدوڵا ئۆجالان، چارەسەری سیاسی بۆ پرسی کورد"، چالاکیی خوێندنەوە بەڕێوەچوو. چالاکیی خوێندنەوە لە باخچەی بارەگای پارتی یەکسانی و دیموکراسی گەلانی شاری وان بەڕێوەچوو. زۆرکەس لە چالاکییەکەدا بەشدارییان کرد.

هاوکات لە گەڵ دەستپێکردنی چالاکییەکە، ئەم نووسراوانە وەک دروشمێک بە لق و پۆپی درەختەکانەوە هەڵواسرابوو. "ئازادی بە خۆپەروەردە کردنەوە دەست پێدەکات"، "کۆتایی بە گۆشەگیری بێنن"، " بۆ مسۆگەر کردنی ئاشتی، پێویست بە هەنگاوی بوێرانەیە " و "ئێمە بە ئومێدی ئەوەو دەژین کە شۆرشی بۆ دەکەین نەک بە موعجیزە".

پەرلەمانتاری دەم پارتی وان گوڵجان کاچماز سایگیت، لە چالاکییەکەدا قسەی کرد و ڕایگەیاند، دۆخی بێ زانیاری ڕەها لە دژی ڕێبەری گەلی کورد عەبدوڵا ئۆجالان درێژە پێدەدەن.

کاچماز لە درێژەی قسەکانیدا وتی: "ئێمە بۆ پاراستنی بیرۆکەکانی بەڕێز عەبدوڵا ئۆجالان لە هەموو بوارەکاندا درێژە بە تێکۆشانی یاسایی خۆمان دەدەین و بۆ ئازادی جەستەیی بەڕێز عەبدوڵا ئۆجالان هەم لە هەر چوار پارچەی کوردستان و هەم لە سەرانسەری جیهان درێژە بە چالاکیی خوێندنەوەی بیرۆکەکانی دەدەین. لەو چوارچێوەدا ئەمڕۆ پێکەوە بیرکردنەوەکانی دەخوێنینەوە و باسی لەسەر دەکەین."

پاشان لە نووسینەکانی عەبدوڵڵا ئۆجەلان، "ژیانی مرۆڤەکان و تێگەیشتن لە حەقیقەت بۆ مرۆڤە پێشکەوتووەکان موعجیزەیە" خوێندرایەوە.

لە میانەی چالاکییەکەدا بەردەوام دروشمی "بژی سەرۆک ئاپۆ"، "بژی بەرخۆدانی زیندانان" و "ژن، ژیان، ئازادی" بەرزکرانەوە.