چالاکییەکان دژی دەستبەسەراگرتنی شارەوانی جولەمێرگ بەردەوامە، ئەمڕۆ چالاکییەکە لەبەردەم شارەوانی ئاکدەنیز بەردەوام بوو. هاوسەرۆکانی شارەوانی ئاکدەنیز نوریە ئاسڵان و هۆشیار ساری یەڵدز بەشدارییەکەیان لە ئێشکگرییەکە کرد و جەژنیان پیرۆز کرد. بێجگە لە پەرلەمانتارانی مێرسین عەلی بۆزان چەندین کەس بەشداری چالاکییەکە بوون. لە چالاکییەکەدا پانکارتی "قەیوم زەوتکردنە دژی ئیرادەی گەل. کودەتایە دژی دیموکراسی" هەڵگیرا.

پۆیراز یادکرایەوە: بکوژان دەناسینەوە

دەنیز پۆیراز لە بینای ڕێکخستنی پارتی دیموکراتیکی گەلان (هەدەپە)ی ئەزمیر لە ١٧ ی حوزەیرانی ٢٠٢١ لە ئەنجامی هێرشێکی چەکداری کوژرا، لە سێیەم ساڵی کوشتنی یادکرایەوە. لافیتەی "هەڤاڵ دەنیز نەمرە" و درووشمی "ژن، ژیان، ئازادی" و "دەنیز پۆیراز نامرێ" بەرزکرایەوە.

هاوسەرۆکی دەم پارتی مێرسین بەدریە کۆش ڕایگەیاند خودی دەسەڵاتە بکوژی پۆیرازە و گوتی: "ئێمە بکوژان دەناسینەوە، لێپرسینەوە دەکەین".