ئەمجەد ئەمینی تاتەو ژینا ئەمینیێ ئەرەیاوناش، ئەگەر حکوومەتوو ئێرانی پێسەو ساڵێ وەڵێنێ، کۆت و بەند وەش نەکەرۆ، بۆنەو داواکارییەکاو خەڵکیوە، مەراسیموو ساڵوەگێڵوو گەشمەردەکەردەی کناچەکێشا ڕۆو یەکشەممەکەی تەریوە مکریۆ.
ئەمجەد ئەمینی، تاتەو ژینا ئەمینیێ سەبارەت بە سازدات مەراسیمێوە پەی دووەم ساڵوەگیڵوو گەشمەردەکەردەی کناچەکێش لاو ڕژێموو ئێرانیوە، پەی ناوەندێوی ئەرەیاونای ئا وەڵاتەیە قسێش کەردی و واتش،گەر ڕژێموو ئێرانی پێسەو ساڵەو پاری قۆرتێ وەش نەکەتۆ، ڕۆو یەکشەممەی مەراسیمەکە مکریۆ.
ئانەیچش واتەن؛ پیسەو بنەیانەو ژینا ئەمینیێ عەینوو حەر بنەیانێوە تەروو ئێرانی هەقمانە ڕاوڕەسمی ساڵانەو نەریتی و ئاینی پەی کناچەکێما بکەرمێ.
دەسەڵاتداراو ئێرانی ساڵەو پاری بە مەبەسوو راگێریکەردەی جە راوڕسموو ساڵیادوو ژینا ئەمینیێ، گردوو ڕایەکاو قەبرسانوو ئایچییشا سەقزنە وستێرە کە قەبرەو گەشمەردێ شۆڕشوو "ژەنی، ژیوای، ئازادی'ی ژینا ئەمینیێش چەنەن.
ژینا ئەمینییە کناچیوە ٢٢سالەی خەڵکوو شاروو سەقزوو وەرکەوتوو کوردسانی بێ، ڕۆو ١٣و ئەیلوولوو ٢٠٢٢ێ میترۆێوە تارانینە بە بەهانێ نەگونجیای حیجابەکەیش لاو 'پۆلیسو ئەخلاقی'یوە گیریا، بۆنەو ئەشکەنجەەی و دایوەنەیوە کەوتە حاڵوو کۆمایوە و دماو یەرێ ڕوا و ١٦و هەمان مانگێنە، خەسەخانەو کەسراو تارانینە مەردە.
