گەریلاو هەپەگەی رێگەش (ئەدهەم ئۆزدەمیر) ٢٣ۍ حوزەیرانوو ٢٠١٩ ی جە مێڎانوو کەڤرێ چەرمەینە جە هەڕێموو قەلەنیەی جە ئاکاموو جەنگینە چنی سوپاو پاسدارا، گیریا بۍ.

ناوەنڎوو ئەرەیاۋنای و چاپەمەنی هەپەگەی ٢٨و تەمووزوو ٢٠١٩ ی جە ئەرەیاۋنێوەنە ئەرەیاۋنابێش، کە چا جەنگەنە گەریلایۍ گەشمەرڎە بیەن و گەریلایێچ بە زامڎاری گیریانوو کۊتەن دەسوو هێزەکاو ئێرانی. رێگەش ساڵەو ١٩٩٧ جە ئاگری جە ئەڎۍ بیەن و ساڵەو ٢٠١٤ بەشداریش جە ریزەکاو پەکەکەینە کەردەن.

دەوڵەتوو ئێرانی دماو ۋییەرنای ٣٣ مانگا سەروو گێرتەیشەرە ئاڎشا بەرد ۋەروودەم و دادگای جە شارو خۆی. دماو دادگایێوە کوڵی جە ١٥و ئاداروو ٢٠٢٢ێنە سزاو جە قەنارەدایشا سەرەرە سەپنا.

دماتەر سزاکۍ جە تەرەفوو دیوانوو باڵاو دادوەری ئێرانیوە ڕەڎە کریابێوە و دۆسیەکە رەوانەو لقوو یەرۍ دادگاو شۆڕشی جە ورمێ کریاوە و ڕۊو ١٩و ئایاری جارێوەتەر دادگا سزاو جە قەنارەدایش سەروو رێگەشیرە سەپناوە.