ژنانی کورد لە شاری ستۆکهۆلمی پایتەختى سوید بۆ پشتیوانیکردن لە لەیلا گیوڤەن، کە ماوەى ١٠١ رۆژە لە دژی گۆشەگیریى سەر عەبدوڵا ئۆجالان رێبەری گەلی لە مانگرتندایە، چالاکییەکیان ئەنجامدا.
چالاکییەکە لە قەرەباڵغترین شەقامی ستۆکهۆلم و لەسەر بانگی ئەنجوومەنى ژنانی کورد ئەنجامدرا. ژنان پۆستەر و وێنەکانى ئۆجالان و چالاکوانە مانگرتووەکانى ستراسبۆرگ-یان بەرزکردبووە و لەسەری نووسرابوو 'نا بۆ گۆشەگیری، نا بۆ فاشیزم، ئازادی بۆ ئۆجالان'.
نەتەوە یەکگرتووەکان، یەکێتیى ئەوروپا و سی پی تی خۆیان کەڕ و کوێر و لاڵ کردووە
ژنان بۆ ئیدانەکردنى بێدەنگیى جیهانی و کۆمەڵگەى نێونەتەوەیى لەسەر پۆستەرەکان نووسیبوویان، نەتەوە یەکگرتووەکان، یەکێتیى ئەوروپا، رێکخراوى جیهانیى دژ بە ئەشکەنجە (سی پی تی) و ٣ ژن، کە یەکێکیان دەمی خۆی و یەکێکی تریان گوێى خۆی، ئەوى تریان چاوی خۆی بەستبوو شانۆیى کەڕ و کوێر و لاڵەکانیان ئەنجام دەدا.
ژنانی تریش بە وتنەوەى دروشمی جۆراوجۆر سەرنجی هاووڵاتییان و رای گشتییان رادەکێشایە سەر دۆخی مەترسیداری مانگرتووەکان.
بانگ بۆ ئیدانەکردنى پیلانگێڕی
هاووڵاتییانى سنووری چالاکییەکە بە تایبەتى گەنجان زۆر بەسەرنجەوە لە چالاکییەکە نزیکبوونەوە. ژنان رایانگەیاند، چالاکییەکانیان بە شێوەى جۆراجۆر بەردەوامى پێدەدەن و داوایان لە کوردستانیان و دۆستەکانیان کرد، کە لە ٢٠هەمین ساڵیادی پیلانگێڕی لە دژی عەبدوڵا ئۆجالان رێبەری گەلی کورد لە کاتژمێر ١٣:٠٠ دا لە نۆرا بانتۆریت لە ستۆکهۆلم بۆ ئەنجامدانى چالاکییەک ئامادە بن.
ر.م
