كۆدار لەهەڵسەنگاندنی رۆژەڤی رۆژی رووداوەكانی ئێران و رۆژهەڵاتی كوردستان رایگەیاندوە؛ ئۆپۆزسیۆنی نیشتەجێ دەرەوەی ئێران لەئێستاوە بۆ دزینی رێبەرایەتی راپەڕینەكان و بەرهەمی رەنجی چەند ساڵەی هەنووكەیی دەستی بە هەڵمەتێك كردوە.
كۆدار لەهەڵسەنگاندنی رۆژەڤی رۆژی رووداوەكانی ئێران و رۆژهەڵاتی كوردستان رایگەیاندوە؛ ئۆپۆزسیۆنی نیشتەجێ دەرەوەی ئێران لەئێستاوە بۆ دزینی رێبەرایەتی راپەڕینەكان و بەرهەمی رەنجی چەند ساڵەی هەنووكەیی دەستی بە هەڵمەتێك كردوە. بێگۆمان پێگە جەماوەریەكان و چین و توێژەكان جارێكی تر ناكەونە كەمین و بەقسە باق و بریقەكانی ئەو كەسانە هەڵناخەڵەتێن.
كۆمەڵگەی دیموكراتیك و ئازادی رۆژهەڵاتی كوردستان "كۆدار" لەسەر شەپۆلی ناڕەزایەتیەكان لەئێران و رۆژهەڵاتی كوردستان جەختی لەوە كردۆتەوە كە؛ بێگۆمان پشتیوانی و رەخنەی ئاشكرا لە ئۆپۆزسیۆنی ئێرانی ئەساسێكە كە هەڵهاتن لێ پێكنایەت و دەتوانرێت بەروونی راپەڕینەكان لەئاراستەكردنیاندا هاوكاریەكی باش بكات. بەهەرشێوەیەك هەر هێزێكی ئۆپۆزسیۆنی لەدوو فاكتەری"رۆڵی پێشەنگایەتی و رۆڵی دیموكراتیك" و بەبێ چاوەڕوانی هەڵسوكەوت نەكات، دەبێت گەل رێگەی هاتنە ناوەوەی پێ نەدەن؛ چۆنكە قۆناخی خۆخۆری و دەست بەسەرداگرتنی رەنجی شۆڕش كۆتایی پێهاتووە.
كۆدار رایدەگەیەنێت؛ رەوشی گشتی لەئێران و رۆژهەڵاتی كوردستان بەشێوەیەكی دیالەكتیكی هەر ئەندازە گەندەڵی بەدامەزراوە بكرێت و رژێمی دیكتاتۆری لەوێدا هار دەبێت و دەگاتە ئەو ئاستەی لەخاڵی هەڵوەشانەوە نزیك دەبێتەوە. راپەڕینە جەماوەریەكانی گەلیش رادیكاڵتر دەبن. راپەڕینە جەماوەریەكانی گەل و دیالۆگ ناوەرۆكی راپەڕینە دیموكراتیكیەكان هاوشێوە و هەمڕاستا پێكەوە رێدەكەن. راپەڕینەكانی مانگی نیسان بەناوەندیەتی خۆزستان و لۆرستان نیشانەی رادیكاڵتربوونی گەل بەراوەستەیەكی هۆشیارانە پێكهات. هەمئێستا لەقۆناخێكداین كەلەهەموو ئێران لەبواری سیاسی، ئابوری و كۆمەڵایەتی لەقەیران زیاتر پێشچووە و گەیشتووەتە قۆناخی كائیوسێكی (گێژاو و قەیرانی) گەورە. رەوشی ژیانی گران نمونەیەكی بەرچاوی گرانی لەهەموو گۆڕەپانەكانی سیاسی، ئایدئۆلۆژی، كەلتور و تەنانەت ئۆكۆلۆژیە كە رێگەیەكی بەدەر لەراپەڕین و شۆڕشی بۆ گەل نەهێشتووەتەوە. رەنگە ئەم هەلومەرجە خراپە تا وەرزی پاییز قوڵتریش ببێتەوە. لەم نێوەندەدا رۆژهەڵاتی كوردستان لەحاڵی شێوەگرتنی سەرهەڵدانێكی یەكگرتووانە لەسەرانسەری ئێران، بەڵام لەهەمان كات بەهەڵسوكەوتێكی سەربەخۆانە بەدوور لەگرێدانبوون و پەیوەستبوونەوەیە. داواكاریەكانی گەلەكەمانیش نیشانەی ئەوەیە كە ئەم هەلومەرجە مێژووییە، گۆڕانكاری لەگەڵ خۆیدا دەئافرێنێت.
كۆمەڵگەی دیموكراتیك و ئازادی رۆژهەڵاتی كوردستان "كۆدار" لەبەشێكی تری هەڵسەنگاندنی رۆژەڤی رۆژی رووداوەكانی ئێران و رۆژهەڵاتی كوردستان ئاماژە بەوە دەكات كە؛ لەقۆناخێكداین كە لەهەركاتێكدا رەنگە سەرهەڵدانی گەلان بەدەربازبوون لەراپەرینە پەڕش و بڵاوەكان دەست پێ بكات. بەهۆی ئەوەی كە هەلومەرجەی گەلان و بزوتنەوەی ئازادیخوازی رۆژهەڵاتی كوردستان لەچاو گەلانی تری ئێران تایبەتە. شایدی سەركۆتی بێڕەحمانە و بێ بەزەیانەی لەلایەن رژێمی دیكتاتۆرەوەین. دەستگیركردنی چالاكوانانی مەدەنی لەشارەكانی رۆژهەڵاتی كوردستان بەشێوەیەكی سیستماتیزە لەگەڵ بەرنامەكانی پێشووی رژێم و بەبڕیاری ناوەند، شەپۆڵێكی رۆژانەیەییە، و كۆمەڵگەی نێودەوڵەتی بەشێوەیەكی مەترسیدار لەبەرامبەریان بێدەنگە. رەنگە راپەڕینەكانی ساڵانی پێشووتری گەلی كورد لەرۆژهەڵاتی كوردستان نیشانی دا كە گەلەكەمان لەچاو راپەڕینەكانی تری گەلانی ئێراندا داواكاری زیاترین هەیە لەوەی كە لەژێرناوی داواكاری پیشەیی و خزمەتگۆزاریدا باسی لێوەدەكەن. لەناوەندی داواكاریەكانی گەلی كورددا، ئازادی و رزگاری بێ شەرت و مەرج لەزۆڵم و ستەمی نەتەوەیی بەروونی بەرچاوە و دەبینرێت. تێكۆشانی گەلی كورد هاوشێوەی راپەڕینەكانی ئێرانیەكان لەنەبوونی رێبەرایەتیدا زەحمەتی نابینن و خاوەن هێزی جەماوەری پاراستنی رەواشن. هۆكاری سەركۆت و شەپۆلی دەستگیركردنە زەنجیرەیەكان لەلایەن رژێمەوە لەبەرامبەر بە چالاكوانانی مدەنی كورد ئەم تایبەتمەندیە بەرچاوە و ئەو ماتەوزەیەیە لەهەناوی ناڕەزایەتیە سەرانسەریەكانەوە سەرچاوە دەگرێت.
كۆدار دەڵێت: "گەلی كورد بەشێوەیەكی تایبەت بەخۆی، خاوەن ستراتیژی و بەرنامەیەكە بۆ ئازادی تەواویەتی بەلەبەرچاوگرتنی فەرڕەنگی و نەتەوەییەكەی ئێران و رۆژهەڵاتی كوردستان"خۆبەرێوەبەری دیموكراتیك" لەگەڵ ناوەرۆكی تەواوی داواكاری راپەریووەكانی گەلان هیچ دژایەتی و دژبەریەكی تێدا نییە و ئەمەش جێگای هیوایە.
كۆدار راشیدەگەیەنێت؛ لەكۆبوونەوە و دانیشتنە سیاسیەكانی گەلانی ئێران و رۆژهەڵاتی كوردستان بەگوێرەی پێویستی قۆناخی راپەڕین، دیالۆگ لەسەر"رێبەرایەتی ئۆپۆزسیۆن" و هەبوونی"نەتەوەی جیاواز"هات و هاواری زۆری خۆلقاندوە. بێگۆمان ناڕەزایەتیە پیشەیی و خزمەتگۆزاریەكانی مانگی نیسان لەخۆزستان و لۆڕستان زەمینەی راپەرینی گشتگیر و هەمەلایەنەی خۆلقاندوە. رای گشتی ناچار بە راپەرین كردوە و بەرەو رژێمێكی باشتر پێشدەكەوێت. زۆرێك لەئەجیندا هەڵپەرەستەكان سەرقاڵی دزینی رێبەرایەتی راپەڕینەكانەن لەدەست كۆمەڵگەی مەدەنین لەكاتێكدا پێشەنگان و سەركاروانی راپەڕینەكانی ئەم دواییە مامۆستایان و كرێكاران بوون، نە كەسی تر و حەرەكەتی تر. رێبەرایەتی دەبێت لەنێوان ریزەكانی گەل و لەسەر داواكاریەكانی شۆڕش پێكبێت. جەماوەری بوونی رێبەرایەتی شۆڕش و نوێبوونەوە ئەساسی بۆنیادی راپەرین و شۆڕشەكانە.
ئۆپۆزسیۆنی نیشتەجێ دەرەوەی ئێران لەئێستاوە سەرقاڵی دزینی رێبەرایەتی سەرهەڵدان و دەسكەوت و رەنجی ناڕەزایەتیەكانی چەند ساڵەی راپڕیوەكانن. بێگۆمان جارێكی تر چین و توێژەكان و پێكهاتەكانی كۆمەڵگە ناكەونە كەمین و بەقسەی باق و بریقی ئەوانە هەڵناخەڵەتێندرێن و لەبەر ئەوەش ئەساسی"رێبەرایەتی گەل"، هێڵی سوری ئەساسی بۆ مسۆگەر كردنی سەركەوتنی راپەرینە دیموكراتیەكەكانی گەلانە. بۆیە هەر هەڵسوكەوتی دژە دیموكراتیكی ئۆپۆزسیۆنی ناوەندگرا لەئێستاوە بنكەوتووە. فڕەرەنگی و فرە پێكهاتەیی و فرەنەتەوەیی بوونی ئێران و رۆژهەڵاتی كوردستان رێگە بەوە نادات جاری تر، شێرپەنجەی "ناوەندچێتی" و "ناوەندگەرایی" دەست بەسەر شۆڕشی گەلاندا بگرێت.
ژ.ت
