ڕابەرو گەلو کوردی عەبدوڵا ئۆجالان نزیکەو ٢٦ ساڵان زیندانو ئیمراڵیینە ئینا دلێ گۆشەگیریێوی دژوارینە و زیاتەر جە یەرێ ساڵایچا هیچ هەواڵێوەش نمەزانیۆ. پەی ورگێرتەی زانیاریی جە عەبدوڵا ئۆجالانی، بێوچان چالاکیێ بەردەوامێنێ.

ئەندامو دەسەو ڕاوەبەریی کەجەکەی زوبەیر ئایدار و هامسەرۆکو کۆنگرەو گەلی ڕەمزی کارتاڵ سەبارەت بە هەڵمەتەو "ئازادیی پەی عەبدوڵا ئۆجالانی، چارەسەر پەی پەرسەو کوردی" کە لاو دۆساو کوردیوە دەسش پەنە کریان، قسێشا پەی بۆ ئاژانسو هەواڵو فورات (ANF)ی کەردە.

'دۆخو ڕابەر ئاپۆی، گرنگتەرین پەرسەو وەردەیمانە'

ئەندامو دەسەو ڕاوەبەریی کەجەکەی زوبەیر ئایدار دەسنیشانش کەرد، کە زیاتەر یەرێ ساڵان هەواڵشا جە ڕابەرو گەلو کوردی عەبدوڵا ئۆجالانی و هامرایاش نییا و واتش، " ئانە پەی ئێمە کێشیوی گەورەن. ئانە بابەتی سەرەکیین لاو گردو کوردیوە. دۆخو زیندانییە سیاسییاو، چندین ساڵێن پەرسەی سەرەکییەو کوردانە. ماوەکاو وەڵینە گرنگتەرین پەرسی، دۆخو ڕابەر ئاپۆین. وەروو ئانەیە زیندانیێوی ئاسایی نییا. دوژمنیچ پێسەو زیندانیێوی ئاسایی مامەڵەش چەنی نمەکەرۆ. ٢٦ ساڵێن ئینا زیندانەنە. ٢٦ ساڵێن ئینا دلێ گۆشەگیریێوی دژوارنە. ٣ ساڵێ و مانگێوەن هەواڵش نمەزانییۆ. هەڵمەتەو 'ئازادیی پەی عەبدوڵا ئۆجالانی، چارەسەر پەی پەرسەو کوردی' کە ١٠و تشرینو یوەمو ٢٠٢٣ بە سەرمەشقایەتیی گەلو کوردی و دۆساو گەلو کوردی دەسش پەنە کریا، بەردەواما. ئینە پەی ئێمەی گەلو کوردی گرنگا. ئا هەڵمەتێ قۆناغێوە گرنگەش بڕییە. پەرسەو ڕۆو ئێمەیچ پێسەو بابەتێوی گرنگی سەرشۆ ممردمێ. ئا هەڵمەتێ لوا قۆناغو دووەمیوە. ئانە دۆخێوی تازەن. مشۆم ئێمەیچ خاوەنداریی چا کەمپین و هەڵمەتێ بکەرمێ، سەرەتا گۆشەگیری بماڕمێ و دمایی ئازادی ڕابەر ئاپۆی و هامڕایاش بارمێ دی. ئازادیی ڕابەر ئاپۆی ئازادیی کەسێوە نییا. ئازادیی ڕابەر ئاپۆی ئازادیی گردو کوردا و کوردستانین. ئانە پرۆسێوەن بە تەمامەتی پێوەرە بەسیان. خاوەنداری وەنەو ڕابەر ئاپۆی، هەرمانێوی سیاسییەنە پەی ئێمە. ئینسانیبییەی و ئەخلاقیبییەین. مشۆم گردما خاوەندارییش وەنە بکەرمێ."

'مشۆم ئێمە دەوڵەتو تورکی ناچار بکەرمێ'

هامسەرۆکو کۆنگرەو گەل ڕەمزی کارتاڵیچ باسش کەرد، کە هەڵمەتەکێ لوێنە قۆناغێوی تازە و پیسەش وات:

"هەڵمەتەو ئازادی بەتایبەتی سەرو ئاستی میاننەتەوەیی کاریگەریی گەورەش خوڵقنان و دەنگش دانۆ، ئا دۆخە بەتایبەتی بابەتی سەرەکیی کەنەکەین. بەڵام پەی ئێمە پێسەو جمیەری سیاسیی کوردی، بەتایبەتیچ سەرجەنۆ ئانێ بەرو وڵاتیوە مژیوا، ساڵەو ٢٠٢٤ پەی ئازادیی ڕابەر ئاپۆی و هەم پەی ئێمە بابەتێوی ستراتیژیین. بە ئیسفادەکەردەی جە هەل و فرسەتی تازەی، متاومێ ئا کۆنسێپتە تازەو دەوڵەتو تورکی پووچەڵ بکەرمێوە و دەوڵەتی وەراوەر بە ڕابەر ئاپۆی پامل و ناچار بکەرمێ و بەرەکاو ئیمراڵی بکەرمێوە. دەوڵەتی تورک یەک ڕاش ئینا وەردەمەنە. مشۆم دایوسانای چەنی ڕابەر ئاپۆی بکەرۆ و چارەسەرێوی پەی پەرسەو کوردی و گەلاو تورکیای بوێزۆوە. ئینایمێ قۆناغێوە چانەنە. پەی ئانەیچە مشۆم گردو گەلەکەیما و پێکئامایەکاو سیاسەتو ئازادیی کوردی، پارتە سیاسییەکێ، ڕۆشنویرێ بە تایبەتی ژەنی و گەنجێ، بوارەکاو میدیای و دیپلۆماسیینە، مشۆم ئێمە چەنی دۆسە میاننەتەوەییاما ساڵەو ٢٠٢ینە سەرو بنەماو ئازادیی ڕابەر ئاپۆی بجووڵیەیمێوە."