ئەرەنیشتۍ گەرەکۍ، کە جە دووۍ گەڕەکا کورد نیشینی حەلەبینە جە ما بەینوو سەعات ٢٠:٠٠ پەی ٠٥:٠٠ و سەعبی بەشێوێوە ڕێک ئینۍ پارێزناو ئەمنیەتینە، ئاماژەشا پانەی دا کە ۋێپارێزنای ئنڎەو نان و ئاوی گرنگا.

فاتمە محەمەدی-ە (٤٣) ساڵە پەی ئاژانسوو هەواڵوو (ANF)ی قسێش کەردۍ، ئاماژەش پانەی کەرد ۋێپارێزنای ئەرک و ۋەرپرسیاریێوە بنەڕەتیییانەن و واتش: "گەر گەڕەکەکێما نەپارێزنمۍ، ئانە گرڎ کەسۍ  بە ئاسانی مێنە چووەر بە مەیسەرکەردەی ئەمنیەتی جە شۊنمێوە گولانێچەنە متاومۍ ئارامی خولقنمۍ. ۋێپارێزنای بە ۋەرپرسیاری بۆ. گەر شێخ مەقسود پېسە قەڵاو مدرامانی نامێش بەرکەردێنە هەر چی ڕوانگۆ کە ۋێپارێزنایۍ هېقمش هەن. ئی ۋێپارێزنایەیچ جە چنڎین تەرەفێوە بەشداریش چنە مکریۆ و ژەنیچ سەرمەشقیش مکەرا".

مەبۆ وەڕەسبیەی جە ۋێپارێزناینە بۆ

لوقمان قادری (٥٠)ساڵ ئانەش دەسنیشانکەرد ۋێپارێزنای پەی گەلی نەبۆ هەر مەبۆ و واتش: "گرڎ کوردێوە مشۊم کۆڵانە و گەڕەکە و یانەکەو ۋێش پارێزنۆ. ئی کۆڵان و گەڕەکۍ شایەتۍ مدرامانۍ بێهامتاینۍ. وەڕەسبیەی جە ۋێپارێزنای بەماناو تەژنەبیەی مۍ جە جەنگەنە. بە ۋێپارێزنایۍ ڕێکوزیا متاومۍ پارێزنای ۋێما مەیسەر بکەرمۍ و ڕا جە سیاسەتوو جەنگی تایبەتی گێرمۍ. پۊکای مرۆڤی بە ڕێکوستە بیە، متاوۆ ۋێپارێزنای ڕێکوستە بیەیچ خولقنۆ."

حەرپاسە شیرین خشمانی-ەی (٣٣) ساڵانە ئاماژەش بە گرنگی ۋێپارێزنای دا و واتش: "جە ۋێپارێزنای شێخ مەقسودینە ئەرکوو ۋێپارێزنایما بەیاگۍ یاونا. ۋێپارێزنای جە نان و ئاوی گرنگتەرا. ژەنی بە ۋێپارێزنای دما ڕۆو گلېرگەی مەیسەر مکەرۆ."

ئەرکێوەن پەیما

وەحید عەلی سەبری ئاماژەش پانەی کەرد سەرەڕاو فرەیی تەمەنی و بیەو نەوەشی بەڵام بە ئەرکوو ۋێپارێزنای هۊرمېزۆ و واتش: "بەبێ پەشتگیری هیچ کەسۍ ۋێپارێزنای ۋێما ئەرەمەرزنا. چەمەڕاو ئانەی نیەنمۍ هیچ کەسۍ بۍ پارێزنۊما. پېسە ئەرەنیشتا شێخ مەقسودی و ئەشرەفیەی هێزوو ۋێما جە ۋێماوە هۊرگێرمۍ و ئەرکێوەن پەیما."