واتەواچو وەزارەتی خالد شەمال جە چەمپنەکەوتێوەنە چنی ئاژانسو فرانس پرێسی (AFP) ئاماژەش پانەیەدا مەڵامەتو کەمی ئاوێ پەی خراپی وەرزو وارانوارای و کەمبییەیۆ بڕو ئاوێ جە ڕووبارەکا دیجلەی و فوراتی و فاڕییاو کەشوهەوای گێڵۆوە.

جە ٦٠٪  ئاوەو عێراقی کەمش کەردەن

بە پاو قسەکا شەمالی، عێراق ئیسە تەنیا ٤٠٪و ئا ئاوێ بە شێوەی ئاسایی بە دەس مارۆنە، هورگێرۆنە و واتش: "ساڵە و پاری یەدەگو ئاوێ ستراتیژیێما دووێ ئنە زیاتەرە بێ. جە ئیسەنە تەنیا ١٠ ملیار مەتریەرەجا ئاویما هەنە، کە ئەشیێ سەرەتاو وەرزو هامنێنە ئی ژمارە ١٨ ملیار مەتر تەرەجا بیێ."

 شارەزێ ئاماژە پانەی مکەرا کە ئی دۆخە کریۆنە بۆنە مەڵامەتو کەمبییەیۆ ڕێژەو ئاوێ بەکارئاردەی پەی کشتوکاڵی.

عێراق بەمەڵامەتو وشکەساڵی و بەرزبییەیۆ پلەکا گەرمای و کاریگەرییەکێ بەنداوەکا تورکیای و ئێرانی ڕووبەڕوو قەیرانو کەمی ئاوێ بیێنێ. حکومەتو بەغای جە کۆنۆ ڕەخنەش چا پڕۆژا گێرتەن سەر و بەشو ڕووبارەکا وەشێ کریانە.