دەبەپە و دەم پارتی یاڎو ١٢ـەمین ساڵوەگەڕو مڎرامانو گازیشا کەرڎۆ
دەبەپە و دەم پارتی جە ١٢ـەمین ساڵوەگەڕو مڎرامانو گازینە واتشا: "ڕۊسنایی درەوشاوەو مڎرامانو گازی ڕا ڕۆشنکەرەوەو ڕێمانە."
پېوەس بە ١٢ـەمین ساڵوەگەڕو مڎرامانو گازی هامسەرۆکو پارتو هەرێمە دیموکراتیکەکا (دەبەپە)ی کەسکین بایندەر و هامسەرۆکا گرڎیی پارتو یەکسانی و دیموکراسی گەلا (دەم پارتی) تولای حاتەم ئۆغوللاریە و تونجەر باقرخان بە پەیام یاڎو ١٢ـەمین ساڵوەگەڕو مڎرامانو گازیشا بەرز ڕاگېرت.
جە پەیامەکانە بەڕێز و پنەزانایۆ یاڎو ئا کەسا کریانۆ کە جە مڎرامانو گازینە گیانشا جە دەسدان و ئامان: "مڎرامانی شكۆڎارو گازی ئیرادەو ملیۆنان کەسا بۍ، کۆدەنگی ویژدانو ئی وڵاتەیە بۍ. گازی ئێمە بۍ، ئێمەیچ گرڎ بیەیمۍ. ڕۊشنایی درەوشاوەو مڎرامانو گازی ڕا ڕۆشنکەرەوەو ڕێمانە."
جە پەیامەکەنە ئاماژە پانەی کریان ویستەکۍ پرۆسەو ئیساتۍ درێژکراوۍ مڎرامانو گازینۍ و ماچۆ: "گازی داواو ئازادی و دادپەروەرییا. پەی دیموکراسیێوە حەقەتینەی کە ئیرادەو گەلا بە بنەما گێرۆ و ئایندێوە ئاشتیانەن، جارێوەتەر درێژە بە پارېزنای ژیۋایۍ دیموکراتیکی و ئاشتییانەی مڎەیمۍ."
