ئەنداماو دەسەو ڕاوەبەری مېیانو پارتو یەکسانی و دیموکراسیی گەلا (دەم پارتی) پەی هۊرسەنگنای شێوازو لوایڕاوەو "پرۆسەو ئاشتی و گلېرگەی دیموکراتیک"ی گلېرې بیێوە.

گلېرۊبیەکەی جە مېیانو گردینو پارتەکەینە، بە سەرۆکایەتی هامسەرۆکا گرڎیی دەم پارتی تونجەر باقرخانی و تولای حاتەم ئۆغۆللاریې ئەنجام مڎریۆ.

جە گلېرۆبیەکەینە، ڕووەدایەکې جەهانی و ۋەرکۊتوو مېیامینی، گرژییەکې بەینو ئێرانی و ئیسرائیلی و ڕووەدایە سیاسییەکا سوریای، تاوتوێ مکریا.

ئەرەیاۋېیا جە گلېرۆبیەکەینە، بەتایبەت گۆشەگیری سەرو ڕابەر ئاپۆی و پەیامەکې ڕابەر ئاپۆی تاوتوێ مکریا.

ڕووەدایەکې پېوەس بە لوایڕاوەو "پرۆسەو ئاشتی و گلېرگەو دیموکراتیک"ی بانې بە تەوەری سەرەکیی گلېرۆبیەکەی.

هەرپاسە هۊرسەنگنای پەی ئا کۆمسیۆنەیە مکریۆ کە قەرارا جە پەرلەمانەنە پێکبې. هەرپاسە باس چانەی مکریۆ، کێ بەشداربۆ چا شاندەنە کە دیدار چنی ڕابەر ئاپۆی ئەنجام مڎۆ.

تەوەرێوەتەرو گلېرۆبیەکەی، پېوەس بۆ بە گلېرۊبیەو شاندو ئیمراڵیی دەم پارتی چنی سەرۆککۆمار ئەردۆغانی، سەرۆکو گرڎیی مەهەپەی دەوڵەت باخچەلی و سەرۆکو گرڎیی جەهەپەی ئۆزگور ئۆزەلی. چەمەڕا مکریۆ کە نەخشەڕێوە پەی گلېرۆبیەکا ئاماڎەبکریۆ.

هەرپاسە جە گلېرۆبیەکەینە هۊرسەنگنای پەی فشارەکا سەرو ئۆپزیسیۆنی مکریۆ.