کوردەسانیا بە مەراسیمێوە جە مېیانو چاندو میزۆپۆتامییاو شارو فریدرکسهافنینە کادرۍ سەرمەشقۍ پەکەکەی؛ گەشمەرڎۍ عەلی حەیدەر قەیتان و ڕەزا ئاڵتونشا  یاڎۍ کەردێوە.

جە تەلارەو یاڎکەردەیۊکەینە وێنەی گۊرەو هەردووە گەشمەرڎەی و هەرپاسە گەشمەرڎا ڕاو ڕزگاری هۊرواسیێبێنۍ و چنیشا وێنەو ڕابەر ئاپۆی نریابێرە. مەراسیمەکە بە دەیەقێوە ڕێزگێرتەی دەسش پنەکەرڎ.

جە بەردەوامی مەراسیمەکەینە بەشدارا سەرەمڕە درووشمۊو 'گەشمەرڎۍ نمەمرا'یشا واتۆ و دماتەر جە پەیام و قسەکانە باس جە کۊشش و ئەوەکۊشای گرنگو چن ساڵەو هەردووە گەشمەرڎەی جە ئازادی گەلو کوردی و گەلا چێردەسەینە کریا.

هەر جە مەراسیمەکەنە هۊنیەو 'من ئینسان بێنا'و گەشمەرڎە عەلی حەیدەری ۋنیاوە، دماتەر بەڵگەفیلمېوە سەرو ژیۋای پەڕ جە ئەوەکۊشای هەردووە گەشمەرڎەی نمایش کریا.

مەراسیمەکە بە واتەیۆ درووشمەکا "بژیۋۆ سەرۆک ئاپۆ"ی و "گەشمەرڎۍ نمەمرا"ی دمایش پنە ئاما.