بە پاو هەواڵو کۆڵبەرنیوزی، کۆڵبەرێوە خەڵکو پاوەی جە سنوورو نەوسووینە جەلایەن و هێزە چەکدارەکا ئێرانیۆ کوشیان و ئەرەیاویان کە ئا کۆڵبەرە کوردە خێزاندارا تاتە و زاڕۆڵێوەن.

کۆڵبەرنیوز جەبارەو  كوشتە و کۆڵبەرە کوردەکەی جە وەرکەوتوو کوردەسانی پی جۆرە زانیاریش وست ڕووە.

 سەر سەعبو ئارۆی کۆڵبەرێوە کورد بە نامێ محەمەد ڕەحیمی خەڵکو بانەوڕەو سەر بە ناوچە و پاوەی جە سنوورو پارێزگاو کرماشانی وەرکەوتوو کوردەسانی جە سنوورو نەوسووی بە تەقەو ڕاستەوخۆو هێزە چەکدارەکا ئێرانی کوشیان.

ئاماژە پانەیچ کریان، ئا کۆڵبەرە کوردە خێزاندارا و تاتە و زاڕۆڵێوەن.

یاگێ ئاماژەینە، جە ساڵە و٢٠٢٤نە  جە وەرکەوتوو کوردەسانی ٥٢ کۆڵبەرێ کوردێ کوشیێنێ و ١٣١ کۆڵبەریچ زامڏارێ بیێنێ.