هێزەکاو ئاسایشو دلېینەی دژو کۆمکوژی زرگانی بانگەوازش جە گلېرگەو مېیاننەتەوەیی کەرد
جە دژو ئەنجامدای کۆمکوژییەکا دۊڵەتو تورکی سەرو ناوچەو زرگانی، هێزەکاو ئاسایشو دلېینەی داوا جە گلېرگەی مېیاننەتەوەیی مکەرۆ هەڵوێس برمانا.
دۊڵەتو تورکی ئەرەگیری ئارۆ جە دژو دەگاو ئوم حەرمەلەی ناوچەو شارو زرگانی جە کانتۆنو جزیرەی کۆمکوژیێوە وەحشیانەش ئەنجامدا و ئەنداماو بنەیانێوەش کەردۍ مەرام. بە پاو زانیارییە تۆمارکریایەکا یەرۍ کەسۍ گەشمەرڎۍ بیۍ کە یۊشا زاوڵەن.
هێزەکۍ دلېینەی پېوەس پا مژارۆ ئەرەیاۋنێوەش وەڵا کەرڎۆ. جە ئەرەیاۋناکەنە ئاماژە پانەی کریان دۊڵەتو تورکی ئەرەگیری سەرسەعبو ئارۊی (٢٨و کانوونو دووەم)ی بۊمبوارانو دەگاو حەرمەلەیش کەردەن، جە ئاکامو ئا بۊمبوارانەینە یەرۍ هاموڵاتیۍ مەدەنیۍ گەشمەرڎۍ بیۍ کە زاوڵیوەشا ئینا چنە و ژمارێوەتەریچ بە سەختی زامڎارۍ بیێنۍ.
جە بەردەوامی ئەرەیاۋناکەینە، سەرەڕاو شەرمەزارکەردەی کۆمکوژییەکەی، ئاماژە پانەی کریان ئی هرووژمۍ دۊڵەتو تورکی پاشێلکەردەی یاسا مېیانەتەوەییەکا مافەکا مرۆڤین.
جە دما دمایی ئەرەیاۋناکەینە داوا جە گلېرگەی مېیاننەتەوەیی و گرڎو ڕێکوزیاکا مافەکا مرۆڤی کریان هەنگامەی خێرا بگېرانە ۋەر و ئی هرووژما شەرمەزار بکەرا، جەخت بکریۆوە جە سزادای دۊڵەتو تورکی سەرو ئا تاوانا کە ئەنجامشا مڎۊ.
