جە مانگۊو نیسانینە چوار ژەنۍ جە پانیشتوو کوردەسانینە کوشیێنۍ
ئەرەیاۋېیا بە تەنیا جە مانگۊو نیسانو ٢٠٢٥ینە جە پانیشتوو کوردەسانینە چوار ژەنۍ کوشیێنۍ و دووۍ ژەنۍ تەرێچ زامڎارۍ کریێنۍ.
ئاژانسو ڕۆژنیوزی بە گوزارشتێوە ئامارەو کووشتەی و زامڎارکەردەی ژەناش جە پانیشتوو کوردەسانینە وەڵاکەرڎۆ.
گوزارشتەکۍ پی جۊرەنە:
" جە ٣ۍ ئادارو ئېساڵینە، جە گەڕەكەو تەیراواو پارێزگاو هەولێری جوانێوە تەمەن ١٨ ساڵ بە ١١ گولۍ واڵە تەمەن ١٧ ساڵانەكۍ ۋێش كوشتە و دماتەر جە لایەنو پۆلیسو شارەكەیۆ باڵبەس کریا.
جە ٢٠ـو ئایارو ئېساڵینە، جە پارێزگاو دهۆکینە جە ئاکامو قۊمیایێوە تەقەکەردەینە ژەنێوە جوانەی تەمەن ٢٩ ساڵە و پیێوە جوانی تەمەن ٣٦ ساڵ زامڎارۍ بیۍ، کە هەردویشا واڵە و برۍ یۊی بێنۍ، هەرپاسە دماتەر تاوانبارەكە باڵبەس کریا.
جە ٢٣ـی ئایارو ئېساڵینە، جە دەگاو پیرڕەشی سەر بە پارێزگاو هەولێری، ژەنێوە جوانەی تەمەن ٢٢ ساڵە جە لایەنو براکەیشۆ بە گولۍ کوشیا.
جە ٢٨ـو ئایارو ئېساڵینە، جە پارێزگاو هەولێری تەرمو ژەنێوە کوردۍ بە نامۍ خەرمان شەمسەدینۍ ئېزیاوە و تا ئیساتۍ پۆلیس جە بارەو قۊمیاکەیۆ زانیاریشا نەوستەن ڕووە.
جە ٣١و ئایارو ئېساڵینە، جە گەڕەکەو قەندیلی جە ناوچەو چوارقوڕنەی پیێوە دەسڕێژو گولاش جە یانە هەسورانیش کەرڎ و جە ئاکامەنە ژەنێوە تەمەن ٤٠ ساڵە، کە ئەڎاو هامژینەو تەقەکەرەکەی بۍ گیانش جە دەسدا و یەرۍ کەسۍ تەرێچ زامڎارۍ بیۍ، كە یووە جە زامڎارەکایچ ژەنێوە جوانەنە.
هەرپاسە، جە ٣١و ئایارو ئېساڵی، ۋەردەمو پڕۆژەو ئەرەنیشتەی “دریم سیتی”نە جە شارو هەولێری ژەنێوە جە لایەنو چەکڎارێوە بە ١٠ گولۍ کوشیا."
