جە کەمپ پەنابەرا گەشمەرڏە ڕۆسەم جودی (مەخموور) پەی هەردووی گەشمەرڏێ ڕەنجدەر ساڵەح سێرتی و جەلال هلالی کە جە کاتی جیاوازەنە بە مەڵامەتو مەخموور  نەوەشیۆ گیانشا جەدەسدان مەراسیمێوە شایستە یاڏ کەرڏەوەکەی جە دەزگاو بنەیانە و گەشمەرڏا کەمپەکەی بە بەشداری بنەیانە و گەشمەرڏا و خەڵکێوە فرە و کامپەکەی لواڕاوە.

جە تەلارە و مەراسیمەکەینر کە ژمارێوە فرە وڵاتپاریزێش دلێنە بێنیپێ شانبەشانو وێنەو ڕابەر ئاپۆی وێنەو هەردووی گەشمەرڏا نریابێرە، هەرپاسە جە تەلارە و مەراسیمەکەینر وێنەو گەشمەرڏا ڕا و رزگاری هور واسیا بێ.

سەرەتاو مەراسیمەکەی بە دەقێوە ڕێز گێرتەی دەسش پنەکەرد و دماتەر سەر و نامێ بنەیانە و گەشمەرڏە ساڵەح سێرتی جەلایەن و جوانە سێرتی کناچێ گەشمەرڏەی پەیامەکە ونریاوە و باس جە قوربانیا سەنگینو گەشمەرڏە ساڵەحی کریا و پەیامو بەردەوام بییەی سەر و ڕاو گەشمەرڏا واوەی کریاوە.

دماتەر سەر و نامێ بنەیانە و گەشمەرڏە جەلال هلالی، جە لایەن و مەسعود هلالی براو گەشمەرڏەی پەیامێوە ونریاور و دما و خێرئامای خەڵکو کەمپەکەی واتش: "حەر چنە سەر و ماناداری و سەنگینی ئەوەکۆشای گەشمەرڏا قسێ کەرمێ، هەڵای کەما. سەر و ئی بنەمێ کە ڕابەر ئاپۆ ماچۆنە، حەر گەشمەرڏە بیێوە فەلسەفێوە تازە و ژیوایا. بی بۆنۆ ماچمێنە گەشمەرڏە ژیواین ژیوایش نەمرا."

دما و وانایۆ پەیامەکا، مەراسیمەکە بە واتەیۆ "بژیوۆنە سەرۆک ئاپۆ" و "گەشمەرڏە مەمرۆنە" دمایش ئاما.