بە سەدان کەسێ جە ئەرەنیشتێ کانتۆنو فوراتی، ئەندامێ ئەرەمەزیێ و رێکوزیاکا ئیدارەو وێڕاوەبەری، جە کۆڵانە و مەکتەلەی شار و کۆبانی، بە شێوێوە غیابی مەراسیمێوەشا پەی یاڏ و گەشمەردە بوتانی (ئیبراهیم شاوی)، جەنگاوەر و ئەنجوومەنو سەروازی بابی کە جە ٧و کانوونو دووەمی ٢٠٢٤، جە منبجەنە گەشمەرڏەبی، لواڕاوە.

مەراسیمەکە بە دەقێوە بێدەنگی پەی یاڏ و گەشمەرڏا شۆڕشی دەسش پنەکەرد. دماتەر ئایشە ئەفەندیە واتەواچە و دەسوەڵێ وستە و ئازادی پەی ڕابەر عەبدوڵا ئۆجالانی جە کانتۆنو فوراتی، بەنامێ گرڏیماوە سەرەوەشیش جە بنەیانە و گەشمەرڏە بوتانی کەرد وبە ڕێزدارییۆ جە کەسایەتی گەشمەردە بۆتانی گرڏ و گەشمەرڏاش یاڏکەردۆ.

ئایشە ئەفەندیە ئەرەیاوناش، گەشمەرڏێ ساڵانە پەی وەرگری کەردەی جە خاک و شار و وێشا ئەوەکۆشایشا کەردەن و واتش: "مشۆم یاڏ و گەشمەرڏاما پەی ئانەی گەلەکەما بە ئازادی و ئارامی بژیوۆنە، گیانشا بەخت کەرد بە ڕێزداریی و پنەزانای یاڏشا بەرز ڕاگێرمێ و هەرگیز ڕا نەرەیمێ ونیشا سەر و زەمینیۆ مەنۆوە. وەر و ئانەی سەیە و هزر و فەلسەفەو ڕابەر ئاپۆیۆ، ئازادیما بەدەس ئارد.

ئایشە ئەفەندیە جە دماین و قسەکاشەنە ئەرەیاوناش کە هەتا دمای رێبازو پەڕ شکۆو گەشمەرڏاما بەردەوامێ بیمێ.

دما و وتارەکێ، پرۆفایلو گەشمەردە بوتانی ونریاوە و ڕادەسو بنەیانەکەیش کریا.