بە سەدان ئەرەنیشتێ کەمپو گرێ‌سپی جە شارو عەین عیساینە گلێرێ بیێوە و بە وینیشاندێوە کۆمکوژییەکا هیزی دۆڵەتو ئەرەگیرو تورکیایشا جە شارو سیرینی کانتۆنو فوراتی و لە زرگانو کانتۆنی جەزیرەی شەرمەزار کەرد.

ئەرەنیشتێ وێنەو گەشمەرڏاشا هورگێرتێ و درووشمو "نا پەی ئەرەگیرکاری تورکی" و "نا پەی کوشتەو زاڕۆڵا و ژەنا" و "بژیو مڏرامنو قەسەدە" یشا  بەرزکەردۆ.

جە مێڏایانو کەمپەکەینە هامسەرۆکو ئەنجوومەنو شارو عەین عیسای ئەیاد ئەل عیسا هرووژمەکێ دۆڵەتو ئەرەگیرو تورکی پەی سەر دەگا و شارەکا سەرنیشتوو و وەرکەوتوو سوریای شەرمەزار کەرد.

ئەیاد بێدەنگی مییاننەتەوەییش وەراوەرو تاوانەکا دۆڵەتو ئەرەگیرو تورکی شەرمەزار کەرد و بانگەوازش جە گلێرگەو مییاننەتەوەیی کەرد هەڵوێس هورگێرانە و تاوانەکا مدرنانە، تاوەکو ئیتر خەڵکو سڤیلی و بێتاوانێ گەشمەرڏێ نەبانە.

وینیشانداکەی بە درووشمو "نا پەی کوشتەو خەڵکو سڤیل" ی دمایش ئاما.