نزیک بە کفری درۆنێوە کۊتەرە واری
نیمەڕۆو ئارۊی جە دەگاو سەید مارەڵای سەر بە ناوچەو کۆکسی جە قەزاو کفری سنوورو گەرمیانی درۆنێوە کۊتەرە واری.
جە دەگاو سەید مارەڵای سەر بە ناوچەو کۆکسی جە قەزاو کفری سنوورو گەرمیانی، درۆنێوە کە دووې مووشەکێش پۊوە بێنې کۊتەرە واری، بەڵام نەتەقانۆ.
ئا یاگې درۆنەکەش چنەکۊتەنەرەواری، دوور بیەن جە یاگې ئەرەنیشتەبیەی و حیچ زەرەرێوە گیانی و ماددییش نەبیەن.
چنی دەسپنەکەردەو هرووژمەکا بەینو ئێرانی و ئیسرائیلی، ماوەو حەفتێوەن چڼین درۆنې و مووشەکې جە ناوچە جیاجیاکا هەرێمینە کۊتێنێرە واری و تا ئیساتې حیچ زەرەرێوە گیانیشا چنە نەکۆتەنۆ.
