ئەنداماو شاندو ئیمراڵیی پارتو یەکسانی و دیموکراسیی گەلا (دەم پارتی) پەروین بوڵدانە و فایەق ئۆزگور ئەرۆل، ئارۆ جە زینانو جۆرو Fو ئاسایشی باڵاو ئیمراڵینە دیدارشا چنی ڕابەر ئاپۆی ئەنجامدا. دماو تەمامبیەو دیدارەکەی، شاندەکە تازەتەرین پەیامو ڕابەر ئاپۆیشا پەی ڕای گرڎینی وەڵاکەرڎۆ.
پەیامەکەو ڕابەر ئاپۆی، پی جۊرەنە:
"دماین جار نەتاوام چنی سری سورەیا ئۆندەری قسێ بکەرو، ئینەیچ پێسە و داخێوە جە دڵمەنە مەنەنۆ. یاڏ و ئاڏی هەمیشە بەرز و بەنرخا. پەنەوازا گرڏ کاتێ یاڏش بەرزڕاگێرمێنە. کەسێوە زانا بێ پەی تورکیای. هەست با بۆشاییەی مکەرو کە جیاش ئاستەن.
پەنەوازیما بە پەیمانێوە تازەی هەن سەر و بنەما و واڵە_برایەتی.
ئا چێوەی مکەرمێش، فاڕییایێ گۆرەن جە پارادایمەنە.
سرووشتو پەیوەندیی بەینو تورک_کوردی فرەش جیاوازا، ئانەی زەرەرش وەرکەوتەن پەیوەندیی واڵە_برایەتییا.
واڵە_ برێکێ جەنگو یەکتری مکەرا، بەڵام هیچ کامشا بێ ئەوی تەری بییەیش نمەبۆنە. ئێمە ئا تەڵە و دامێ کە پەیوەندییەکەشا تێکدان، ئا ئەڵغامێ نریێنێرە، سەر و ڕێماوە یۆ یۆ پاکشا مکەرمێوە، ڕا و سردە و ڕێکێ بەینیما خاس مکەرمێوە.
جە کەسایەتی ئالان بادیۆ و سلاڤۆی ژیژەکینە، سوپاسو ئا ڕۆشنویرا مکەرو کە جە ڕاو شاندەکەیماوە، پەیامو پەشتیوانیشا پەی من و پرۆسەو ئاشتی و واڵە_برایەتی کیانان. هیواڎارەنا جە خەباتو هامبەشو ئەنتەرناسیۆنالی و سۆسیالیستیینە یەکتری وینمێوە.
١٨ و ئایارو ٢٠٢٥".