ئامەدەنە بە ئەرەیاونێوە بەرنامەو چالاکییەکا دەسنیشان کریا کە پەی جەژنە و زوانی کوردی ئەنجام دریانە و ئاماژە بە بانگەوازییەکەو ڕابەر ئاپۆی کریا و وچیا: "قۆناغێوە تازە و ئەوەکۆشای پەی زوانو کوردی دەسپنەمکەرمێنە."
ئامەدەنە دەزگاو زوانەوانییەکا زوانو کوردی، پارتە سیاسی و ڕێکوزیا دیموکراتیکەکا جە پارکو کۆشوویۆلووی بە وانایۆ ئەرەیاونێوە بەرنامەو چالاکییەکا ئاشکرا کریا کە جە ١٥و ئایار جەژنەو زوانو کوردیی ئەنجام دریۆ.
ئەرەیاوناکەینە کە بە درووشموو "ستاتۆی کوردی پەروەردە بە زوانو کوردی" دریا، بە زوانی کوردی دەقو ئەرەیاوناکەی جە لایەنو هامسەرۆکو مەد-دەر شوکران یاقوتێ بە شێوەزارو کرمانجکی (زازاکی) ونریاوە و بە شێوەزارو کورمانجی جە لایەنو هامواتەواچوو کۆمیسیۆنو زوانو، چاند و هونەرو دەم پارتی، هەڤاڵ دڵبهارێوە ونریاوە.
'زوانما سەرچەمەو گرڏو بەهاکامانە'
ئەرەیاوناکەینە سەرنج وسیا سەرو ئا هەوڵە سەڏ ساڵەی پەی سڕینەوە و تواندنەوەی چاند و زمانی کوردی دراوە و دەسنیشان کرا دەرنجامی تێکۆشانی نەتەوەی کورد هەموو ئەو هەوڵانە پوچەڵ کەردۆ و وچیا: "بێگومان پێسەو کوردی هیچ کاتێ ڕا پی گێرتەی وەرو ئەسمیلاسیۆناوە مەرەیمێ. ژیوایێ ئەرەبڕیا جە زوانو کوردی پەی ئێمەی کوردا پێسەو جەسێوە بێ ویرکەردەیۆین، بێ دڵ و گیانا. زوانما سەرچەمەو بنەڕەتی بییەین، شناسنامە، گیان و ژیوای نەتەوەیی، ئازادی و دیموکراتیکییەکان. زوانما سەرچەمە و هێماو یۆبییەی نەتەوەییمانە، کڕێڵو ئازادیمانە. زوانی کوردیی هێڵەی سوورەمانە."
پەشتگیری جە پەیامو ٢٧و شوباتو ڕابەر ئاپۆی مکەرمێ
جە بەردەوامی ئەرەیاوناکەی ئاماژە بە واتەو 'خاوەنداریکەردەی جە زوان و چاند و وەڵی بەردەی پەنەوازییە بنەڕەتیەکا ئینسانی بییەی. ئاڏێ خاوەنداری جە زوانو وێشا مەکەرا، مەتاوانە خاوەنداری جە هیچ چێوێ وێشا کەرا'ڕابەر ئاپۆ کریا و وچیا: "بانگەوازو 'ئاشتی و گلێرگە و دیموکراتیک'و ڕابەر عەبدوڵا ئۆجالانی، گفتوگۆکێش سەرو ئازادی زوانو کوردی بەهێزتەر کەرد. گرڏ کاتێ چنی ئی بانگەوازە بیمێ و ماجمێنە مافە نەتەوەییەکێ زوانو کوردی، چاندی، سیاسی، یاسایی و وێراوەبەری، بابەتو موزایەدەو سیاسی نییا و پەنەوازا گرڏ و ڕاگیرییەکا وەڵێش لابەرمێنە و زوانی کوردی بۆنە خاوەنو ستاتۆی و زوانی پەروەردەیی تا ئانەی گلێرگەی ئازاد، دیموکراتیک و ئاشتیانە بنیادنریۆنە."
دمای ئەرەیاوناکەینە بانگەوازی جە گرڏو ئازادیوازا و بە تایبەت جە ژەنا و جوانا کریان پێوەرە ئەوەکۆشایشا پەی زوانو کوردی وەرفراوان بکەرا و وچیا: پی بۆنۆ ١٥و ئایاری جەژنەو زوانو کوردی گرڏ یانە، دەگا، جادە، کۆڵانە و یاگێ کەرمێنە وانینگە و زانکۆو زوانو کوردی. جەژنەو زوانو کوردی جە گرڏ کوردێ و ئازادیوازی موبارەکە بۆنە.
بژیوۆنە زوانو کوردی
هەمیشە و گرڏ یاگێنە زوانی کوردی!
هەمیشە و گرڏ یاگێنە ئەوەکۆشای پەی زوانو کوردی!."
