مېیانو ئەرەیاۋنای قەسەدەی بە ئەرەیاۋنێوە گەشمەرڎە بیەو هەریەرە جەنگەوانیشا؛ برووسک، شیار و سەلمانیش ئەرەیاۋنا و قەولو بەردەوام بیەی سەرو ڕاو گەشمەرڎاش واوەی کەردۆ.

جە سەرەتاو ئەرەیاۋناکەینە ئاماژە پانەی کریان هەریەرە جەنگەوانەکۍ جە کاتو جە دژمردایۆ هرووژمو شانە تیرریستییەکا داعشینە گەشمەرڎۍ بیێنۍ و ئامان: "هەمڕاما شیار (ئەحمەد نەواف ئەل محمەد) و سەلمان (مەحمود ئەل فەرحا) تا دما هەناسەو ژیۋایشا دژو هرووژمو شانێوە داعشی گژیۍ و پەوپەڕو ئازایەتییوە گەشمەرڎۍ بیۍ. هەمڕاما برووسک کۆبانێ (عەمار موسلم) بە مەڵامەتو نەوەشیێوە قورسیۆ گەشمەرڎە بی."

جە بەردەوامی ئەرەیاۋناکەینە ئاماژە بە دڵسۆزی گەشمەرڎا پەی پارېزنای ئاسایش و سەقامگیری هەرێمەکەی کریان و ئامان: "هێزەکېما جە ئەوەکۊشایشانە جە دژو ڕێکوزیا تیرۆریستییەکا فیداکاری مکەرا و بەردوامێنۍ جە پارېزنای هەرێمەکەی."

جە دمادمایی ئەرەیاۋناکەینە سەرەوەشی جە بنەیانەو گەشمەرڎا کریان و زانیارییەکۍ سەرو شناسنامەو گەشمەرڎا دریان.

 

زانیارییەکۍ پی جۆرەنۍ:

ناسنامۍ / برووسک کۆبانێ

نامۍ و دما نامۍ / ەمار موسلم

نامۍ ئەڎۍ و نامۍ تاتەی / ایشە – محەمەد

شۊنەماو جە ئەڎابیەی / ڕەقە

شۊنەماو کاتو گەشمەڕڎەبیەی / ڕەقە- ٢٨و ئایارو ٢٠٢٥

ناسنامۍ / شیار

نامۍ و دما نامۍ / ئەحمەد ئەل محمەد

نامۍ ئەڎۍ و نامۍ تاتەی / نورا – نەواف

شۊنەماو جە ئەڎابیەی / عەریشە

شۊنەماو کاتو گەشمەڕڎەبیەی / دێرەزۆر – بەحرە – ٣١و ئایارو ٢٠٢٥

ناسنامۍ / سەلمان

نامۍ و دما نامۍ / مەحموود ئەل فەرحان

نامۍ ئەڎۍ و نامۍ تاتەی / ئایشە – حسێن

شۊنەماو جە ئەڎابیەی / سوەر

شۊنەماو کاتو گەشمەڕڎەبیەی / دێرەزۆر – بەحرە – ٣١و ئایارو ٢٠٢٥