مییانو ئەرەیاوناو هێزەکا سووریاو دیموکراتیکی (قەسەدە) دەربارەو هرووژم و چەتەکا داعشی جە نوجە و بەحرەی بە ئەرەیاونێوە دەستنیشانش کەرد، هیزی وێرەکا شانەو چەتەکا داعشی هرووژمش کەردەن سەر و خاڵێوە هێزەکا قەسەدە کە کەوتەن  شارۆچکە و بەحرەی دەگا نشینا وەرکەوتوو دێرەزۆری و دەمودەس هرووژمەکە مەڕیان.

جە ئەرەیاوناکەینە ئامان: "شانێوە تیرۆرستی داعشی بە تڕۆمبێڵێوە هرووژمشا کەرد سەر و خاڵێوە سەروازیما جە شارۆچکەو بەحرەی، جەنگاوەرەکێما جواب و هرووژمەکەیشا داوە و بامەڵامەتە جەنگێوە سەختش چنە کەوتۆ. جە ئەنجامەنە ئەندامێوە چەتەکا داعشی زامڏار بی، وە ئەوێ تەرێ بە ترۆمبێلەکەشا بڕەمێ. دووێ جە جەنگاوەرەکێما بە سوکی زامڏارێ بیێ."

جە ئەرەیاوناکەینە قەسەدە واوەیش کەردۆ جە ئۆپراسیۆنو پاککەردەیۆ و تیرۆرستییەکا و دلێنە بەردە و پێگەو ماددی و مەعنەویشا بەردەوام بێ.