یۆ جە ئەنداما کۆنگرەو نائاسایی ١٢ـەمینو پەکەکەی شیار باسش جە گرنگی کۆنگرەی کەردەن و واتش: " کۆنگرە بییەن مانادارتەرین وەڵامگۆو بانگەوازییەکەو ڕابەر ئاپۆی، هەرپاسە پرۆسەو هورچەرخنا و تاریخی دەسش پنەکەرد و گورزە بێ جە سیاسەتو نکۆڵیکەردە و کوردا."
شیار ئامەد کە یۆ بێ جە ئەنداما کۆنگرەو ١٢ـەمینو پەکەکەی پەیوەس بە کۆنگرە تاریخییەکەی هورسەنگنایش کەرد و دەسنیشانش کەرد کۆنگرە دەستپێکو قۆناغێوە تازەی تاریخییا و واتش: "کۆنگرە بییەن مانادارتەرین وەڵامگۆو بانگەوازو 'ئاشی و گلێرگە و دیموکراتیک'و ڕابەر ئاپۆ."ی
ئامەد ئاماژەش پانەیشدا کۆنگرەکە پەی بنیادنیاو سۆسیالیزمی گلێرگەی دیموکراتیک، گوزارشتا جە دەستپێکو پرۆسێوە تازەی و واتش: "ئی پرۆسە تازە نەک بە تەنیا پەی گەلوو کوردی، هامکات پەی گەلا وەرکەوتوو مییامینیچ بە ماناو هورئامائ ئاسۆیێ تازەی مێ."
. هورسەنگنا و شیار ئامەدی پی جۆرەنە:
"کۆنگرە بە قەرار و دمای ئاردەی بە ڕێبازو ئەوەکۆشای چەکداری بیینر مانادارتەرین وەڵامگۆو بانگەوازو 'ئاشی و گلێرگەی دیموکراتیک'و ڕابەر ئاپۆی. کۆنگرەکە سەرەتا سڵامش جە مڏرامانو ڕابەر ئاپۆی کەرد، بەتەمامەتی بە کۆکەردەیۆ پەی لوایەکا جواب و بانگەوازییەکە و ڕابەرایەتیش داوە. هامکات بە جۆشۆ پێشوازیش جە قەرارەکاش کەرد. چی کۆنگرەنە خاوەنداریش جە کۆو خەباتو پەکەکەی و گەشمەرڏا ڕاو ڕزگاری کریا و جە حەقی کارەیۆ تا هەڤاڵا فواد و ڕەزا، جە گرڏ و گەشمەرڏا بە ڕێزدارییۆ یاڏکریێوە، ئی خەباتە سیاسەییە و ئێژا سری سورەیا ئۆندەری پەی پرۆسەکەی کەردەنش بە کۆنگرە و جوابش دریاوە.
پۆکەی ئی کۆنگرە حەرچنە کۆنگرەو فەسخکەردە و پەکەکەین بێگومان هامکاترنر دەستپێکو سەردەمێوە تازەین.هەم کۆتایی سەردەمێوەن و هەمیچ سەرەتاو سەردەمێوەن. پەنەوازا ئینسان پی جۆرە تەماشەو کۆنگرەکا پەکەکەی بکەرۆ، کۆنگرەو یوەمی بە ماناو ماڕاو سیاسەتەکا مەردەین سەر و کوردەسانی، دماین کۆنگرەن سەر و بنەماو ئازادی دەلالەت جە دەستپێکو سەردەمێوە تازەی. ئینەیچ بەماناو ئانەی مێ جە پرۆسەی تازەنە گرڏ و گەلا وەرکەوتوو مییامینی پێوەرە گلئرگێوە ئاشتیواز بنیادمنیا.
بەڕاسی باسو پرۆسێوە چی جۆرەیە مکەرمێ کە بۆنە گۆرەتەرین گەشەدای. پۆکەی هەم سەرو وەرکەوتوو مییامینی و هەمید سەر و سیاسەتو جەهانی کاریگەر منیۆرە. ئی کۆنگرە پاساوە دەسو گرڏ و ئا هێزاوە نمازۆوە کە پەکەکەشا تاوانبار کەرد، پۆکەی هیوایێ گۆرەش سەر و ئاستو جەهانی وەڵاکەردۆ. ڕابەر ئاپۆ بەرەی تازەش کەردۆ، هیواڏارێنمێ گرڏ و هێزەکا ئی حەقیقەتەیە وینا و ماناداری هورگێرانە.
پەنەوازا ئێمەیچ بە وەرپرسیارێتیێ گۆرە و جددیتەرۆ نزیکو پرۆسەکەی بیمێ و زیاتەر خەبات بکەرمێ. پەی بنیادنیاو سۆسیالیزمو دیموکراتیکی و گلێرگەوازی، جە گرڏ کاتێ زیاتەر پەنەوازا چنی گلیرگەی یەکانگیرێ بیمێ. بەتایبەت مشۆم زوانی دیموکراتیک و دیالۆگو سری سورەیا ئۆندەری بە بنەما گێرمینە و پرۆسەکەی بەرەوو وەڵی بەرمێ. چی کۆنگرەنە ڕوح و زوان و ئاڏی سەروەر بێ.
کۆنگرە وەرپرسیارێتی وێش جابەجێکەرد. ئی سەردەمە سەردەمو بنیادنیاو ئازادییا. ئا سیستەمەی سەرو نکۆڵیکەردە و کوردا بنیادنریا گورزەی کوشندێش وەرە کەوتە. پۆکەی تاوێنە باسو سەرکەوتە و ئایدۆلۆژیاو ڕابەرایەتی کەرمێنە. ئەر ئینسان سەرو ئی بنەمێ نزیکو کۆنگرەی بۆوە ئانە نزیکایەتییێ مانادارا."
