نوێنەرایەتی جەمە و مافناسا پەی ئازادی (ئۆهەدە)ـی سەمسور و جەمەو پەشتیوانی جە بنەیانە و زینانیا و حکومدریایا (توای_دەر) پەی جەخت وستەی سەر و ڕەوشو زینانیا نەوەشی و گۆشەگیری ئیمراڵی چالاکیێشا ئەنجامدا، فرە و کەسی بەشدارێ بێنێ.

ڕاوەبەر و توای_دەر ناجی کۆرکماز ئەرەیاوناش پزیشکو دادەوەری بییەن تاکە ئەرەمزیێوە دەسەڵاتدار پەیوەس بە ڕەوشو زینانیا نەوەشی ئینەیچ بییەن ئاستەنگێوە وەردەمو چارەسەرو زینانییەکا، ئاماژەش پانەیە کەرد جە زینانەکا ئاکچاداغ و تورک‌ئۆغلو و سەمسور ٧ زینانیێ نەوەشێ هەنێ و چوارشا نەوەشی قورسشا هەن، مشۆم لیژنە تەندرووسییە سەربەخۆکێ دەور گێڵنانە.

کۆرکماز جەختش وست سەر و بانگەوازەکەو ڕابەر ئاپۆ جە ٢٧ و شوباتینە، ئەرەیاوناش گۆشەگیرکەردەو ئیمراڵی تەنیا پاشێلکەردە و مافو تاکەکەسی نییا، هامکاتەنە کێشێوە جددییا وەردەمو پرۆسەو دیموکراتیکبییەی جە تورکیانە.

کۆرکماز واتش: "مشۆم گۆشەگیری دمایش بێ، زینانیێ نەوەشێ ئازادێ کریانە، ڕەفتارە میزاجی و ئارەزوومەندانەکێ مدرانە".

چالاکییەکە بە چەپڵێ بەشدار بییەکا دمایش ئاما.