ئەندامەوئەنجوومەنوو ڕاوبەریی کۆمەڵەو  ژەنە ئازاداو وەرکەوتوو کوردستانی (کەژار)، سنوور گەڵاوێژە بارەو سەرەوردای 'ژەنی، ژیوای، ئازادی'یوە چەنی ژن تیڤی قسێش کەردێ.

سنوور گەلاوێژە ئەرەیاوناش، دەوڵەتوو ئێرانی دەوڵەتوو ئێرانی قەیرانی سیاسی، کۆمەڵایەتی و ئابووریینە خەڵکی بە وەرپەرس مزانۆ بە گرد نۆعێوە هجووم مکەرۆ سەروو گلێرگەی و ڕا وەنەو بەشداریی ژەنا مگێرۆ و گردوو بوارەکاو ژیوای و کۆمەڵایەتی و سیاسینە دوورێشا موزۆوە.

سنوور گەلاوێژە ئاماژەش پانەیچە کەرد، کە دەوڵوتوو ئێرانی گەرەکشەن ژەنا گۆشەگیر بکەرۆ، مەسەلێ ژەنا بیێنە لکەکۆرێ و واتش:" لاێوە بە گردوو تەوانایشۆ هجوومێ مکەرۆ سەروو گلێرگەی و لاێوە تەرۆ ژەنی وەرانوەرشۆ درێژە بە مدرامانیشا مدانە.

سنوورە ئەرەیاونایچش؛ کە سەرەوردای ژەنی، ژیوای، ئازادی هومێدوو ڕزاگریی ژەنان چا قەیرانەیە کە ماوەو ٤٠ ساڵان دەسەڵاتداراو ئێرانی ڕووبەڕوو گلێرگەیشا کەردەنۆ، پەوکای ژەنی فرە بە قەوەت بەشدارییشا سەرەورداینە کەرد.

سنوورە واتیچش:" ڕژێم دینی پێسەو چەکێوە بەکار مارۆنە دژوو گلێرگەی و بە واتەی 'دژایەتیکەردەی چەنی دینی' مافوو دادگایی گردوو بوارەکانە مدۆ بە وێش.

"دەنگوو ئازادیی ژەنێ میاونۆ گرد یاگێوە"

سنوور گەلاوێژە واتش:" ڕژێموو ئێرانی هەمیشە سێدارەی پێسەو ئامرازێوی گرنگی پەی سەرکوتوو دەنگی بەرزوو ئازادیی، وەرهەڵێسکاری و ناڕازیبییەی بەکارمارۆنە."

ئاماژەش پانەیچ کەرد، کە کەژار و پەژاک هەڵمەتەو "نا پەی سزاو قەنارەدای بەڵی پەی ژیواێوە، ئازاد"یشا دژو زوڵمی و قەنارەکا،کە چی ساڵانە زیادش کەردەن، دەسشا پەنە کەردەن و واتش، ئامانج چی هەڵمەتێ ئانێنە دەنگوو ئازادیی بیاونا گرد یاگێوە، ئی کۆشیایە بیاونا گرد چینەکا و پەرەش پەنە بدانە."

سنوورە ئاخرۆ واتش، کە سەرەڕاو ئا گردو ستەم و هجووما  گلێرگەو ژەنا قەت جە کۆشیای سەرد نەبییەنۆ و واتش:" پێسە و سەرۆک ئاپۆ ماچۆ، ئی سەدە سەدەو ئازادیی ژەنێن، گەورەتەرین نیشانێ و بەڵگەو ئی قسێ سەرەوردای ژەنی، ژیوای، ئازادیین، کە وەرکەوتوو کوردسانینە ئەزموون مکریۆ."