شارەوانی سێرتی دەس سەرەرەگێرتە و یاگێ هامسەرۆکو شارەوانی سۆفیا ئالاگاشێ و محەمەد قایسی، پارێزگارو سێرت کەمال کزلکایا پێسەو قەیومی نریارە. دەس سەرەرەگێرتەو شارەوانی شەرمەزار کریۆنە.

جەماوەرو گەلی لافیتێش بە نوسین "جە دژو دەس سەرەرەگێرتەی ئیرادەیما بە مڏرامان سەرێگنمێ" جە دماو شارەوانی سێرتی هورواسیا و دروشمو مڏرامانی بەرزکریاوە.

پەرلەمانتارا دەم پارتی نەورۆز یوساڵ، عەدالەت کایا، سەباحەت ئەردۆگان سارتاش، چالاکوانا ئەنجوومەنو ئەڏایا ئاشتی و تەڤگەرو ژەنا ئازادی (تەژەئا) بەشداری چالاکییەکەی بیێ.

پەرلەمانتارە بێریتان گونەشەنە ئاماژەش پانەیەدا کە هامسەرۆکایەتی شارەوانییەکاشا ڕووبەروو یاساو دووژمنایەتیکەردەی بیێنێ، یاگێ ئاڏشانە قەیوم نریانەرە و واتش: "سیستەمو دادگای پێسەو گەمێوەن ئینا دەسو ئاڏشانە. جە هەر یاگێنە گەرەکشا بۆنە قەیومی سەپنانە. گەلوو کوردی دەس سەرەرگێرتەو ئیرادەیش حەجگیز قەبوڵ نەکەردەن و قەبوڵیشش نمەکەرۆ. جە دژو زوڵمی و فشاری مڏرامان مکەرمێ. داوا جە گەلوو سێرتی بە شکۆ مکەرمێ خاوەندارێتی جە ئیرادەیشا بکەرا و وەردەمو شارەوانینە دەنگشا هوربڕا".

مڏرامان وەردەمو باڵەخانەو شارەوانینە بەردەواما.