شارو لایپزیگو ئەڵمانیاینە بە مەراسیمێوە یاڏ و گەریلێ گەشمەرڏێ ئەنتەرناسیۆنالیستە تیژدا زاگرۆسێ (کێلی فرێیگانگ) کریاوە، کە جە ٢٩ـو نیسانو ٢٠٢٥ جە هەرێمەکا پارێزنا و میدیاینە گەشمەرڏێ بییە.
مەراسیمو یاڏکەردەوەکەی جە مییانو گلێرگە و کوردیی دیموکراتیک-ئەڵمانیا (ناڤ-لایپیزگ) بە سەرمەشقایەتی جوانا ئەنتەرناسیۆنالیستی کریاوە.
چالاکییەکە جە کەسایەتی گەشمەرڏە تیژدا زاگرۆسێنە بە دەقێوە ڕێز ونە نییای جە گەشمەرڏا ڕاو ڕزگاری دەسش پنەکەرد و دماتەر پەیامەکێ ونریێوە.
سەر و نامێ جەمە و بنەیانە و گەشمەرڏا (کۆماو) عەگید قسێش کەردێ و واتش: "سەر و ڕا و ئامانجو گەشمەرڏاما بەردەوامێ بیمێ و خاوەنداری جە ئەوەکۆشایشا مکەرمێ."
دماتە ر هاوسەرۆکو فەد-کوردی، مێندرێس کانگ بە سەرنج وستەی سەر و پرۆسەو چارەسەری واتش: "جە تورکیانە پرۆسێوە ئینا ئارانە، لوای ڕاوە و پرۆسەکەیش پەنەوازیش بە مدرنا و هرووژم و کۆمکووژییەکان."
یاڏکەردەوەکەی بە درووشموو "گەشمەرڏێ مەمرانە" دمایش ئاما.
