ڕێکوزیا پارێزگاو پارتو کۆماریوازی گەلی (جەهەپە) جە شارو ئەدەنەی ۋەردەمو شارەوانی سیهانینە سەبارەت بە ئەوەکۊڵیایەکا دژو شارەوانی گۊرەو ئەستەنبوڵی بەیاننامێوەش وەڵاکەرڎۆ و ئەرەیاۋېیا ئانێل تانبورئۆغڵو، سەرۆکو ڕێکوزیاو پارێزگاو جەهەپەی ئەرەیاۋنانش، ئۆپەراسیۆنو گېڵای و دەسسەرەرەگێرتەی جە یانەو ٤٧ کەسا جە ئەندام و سەرۆک شارەوانیەکا جەهەپەینە ئەنجامدریان. تانبورۆئۆغڵو بە ئاماژەدای پانەی کە ئێمە مانگانە ڕووبەڕوو هرووژمو شایەتحاڵی پەنهانی و بانگەشەی بێ بنەمای بیێنمێوە، واتش: "حیچ ئۆپەراسیۆنێوە پا جۊرە نمەتاوۆ ڕوانگەو جەماوەری سەبارەت بە شارەوانی سۆسیال دیموکراتی فاڕۊنە. ئێمە جە ۋەرا ۋەرو هەوڵو کودەتاینە تەسلیمۍ نمەبیمۍ."

هەرپاسە زیدان کارالار، سەرۆک شارەوانی ئەدەنەی ئەرەیاۋناش: "شەپۆلەی دووەم، یەرەم، چوارەمە و پەنجەمە، ئینۍ گرڎ ئۆپەراسیۆنۍ سیاسینۍ دژو جەهەپەی، کە جە دەسەڵاتی نزیک بۆوە. ئێمە جە گرڎ کاتۍ زیاتەر پەنەوازیما بە یۊبیەی و پەشتیوانی و هومێڎییا."