لە شاری بێرنی پایتەختی سویسرا لە کەسایەتی مەزلۆم تەکداغ (مەزلۆم ژیاندا) دا یادی شەهیدانی مانگی تشرینی یەکەم کرایەوە.

مەراسیمەکە لە لایەن کۆمیتەی خانەوادەی شەهیدانی سویسراوە سازکرا و بە ڕێزگرتن لە یادی شەهیدانی تێکۆشانی ئازادی کوردستان دەستپێکرا.

لە مەراسیمەکەدا شۆرش تەکداغ برای مەزلۆم تەکداغ قسەی کرد. تەکداغ وتی، "شەهید مەزلۆم تەکداغ لەسەر ڕێچکەی باوکی محەمەد تەکداغ و مامی عەلی تەکداغ کە ئەوانیش لە تێکۆشانی ئازادیدا گیانیان لەدەستدا، هێڵی بەرخۆدانی بردە بەرزترین ئاست. ئەرکی ئێمەش ئەوەیە کە لەسەر ئەم هێڵەی ئەوان تێبکۆشین."

لەسەر ناوی کەجەدەکە – ئەوروپا سیاسەتمەداری کورد کەمال ئاکتاش قسەی کرد و وتی، "لە کوردستان لەگەڵ هەڤاڵ مەزلۆم کارم کرد. مەزلۆم لە ساڵەکانی ١٩٩٠ەوە خاوەنداری لە تێکۆشان کرد و لەسەر هێڵی بەرخۆدان شەهید بوو. بۆئەوەی بەڵێنی خۆمان بەرانبەر شەهیدان جێبەجێ بکەین، پێویستە تێکۆشان فراوان بکرێت."

ف.ق