فەرماندەیی بڕیارگەی ناوەندی یەژەئاستار لەسەرەتادا ژنان و گەنجان، بانگەوازی لە هەموو کەس کرد کە لە بەرامبەر تاوانەکانی شەڕی دەوڵەتی تورکی فاشیست و لەبەرامبەر هاوکارەکانیان هەڵوێستی رادیکاڵ نیشان بدەن.
فەرماندەیی بڕیارگەی ناوەندی یەژەئاستار رایگەیاند" لە گۆڕەپانەکانی زاپ، ئاڤاشین و مەتینا لە ١٧ی نیسان بەملاوە دەوڵەتی تورکی فاشیست هێرشێکی داگیرکەری دەستپێکردووە. لەبەرامبەر ئەو هێرشە داگیرکەرییە هەڤاڵانمان لە هەڵمەتەکانی هەڵۆکانی زاگرۆس و جەنگی خابوری شەهید ساڤاش مەرعش تێدەکۆشان. ئێمە هەڤاڵانمان کە لەو هەڵمەتانەدا شەهید بوون بە رێزەوە یادیان دەکەینەوە و بەڵێن دوبارە دەکەینەوە کە ئامانجەکانیان بهێنینەدی. لە هێرشە کیمیاییەکانی یدەوڵەتی تورکی داگیرکەر کە دوژمنی مرۆڤایەتییە لە دوو مانگی رابردوودا ١٧ هەڤاڵمان لەوانە هەڵبەست کۆچەرین، روکسەن کۆبانێ، ماڤا موش، دەلال سلێمانی، باز مۆردەم، روبار رۆژهەڵات، جیگەر مەلازگرت بە چەکی کیمیایی شەهید بوون. لە کەسایەتی ئەو هەڤاڵانەماندا ئێمە شەهیدانی خۆمان بە بیر دەهێنینەوە، باجەکەی چی بێت ئێمە تۆڵەیان دەکەینەوە و سەرەخۆشی لە بنەماڵەی هێژای ئەو شەهیدانەمان و سەرجەم گەلی وڵاتپارێز دەکەین".
فەرماندەییەکە لە راگەیەندراوەکەیدا ئەم شتانەی باس کردبوو:
"دەوڵەتی تورکی فاشیست و قڕکەر کە دوژمنی گەل و ژنانە و خاوەنەکانی سیستمی مۆدێرنیتەی سەرمایەداری کە پشتیوانی تاوانەکانی ئەم شەڕە دەکەن، لەگەڵ دەوڵەتانی هەرێمی کە هاوکاری ئەوانن، لە بەرامبەر تێکۆشانی ئازادی بە هاوکاری ژنان و گەلان شکست دەهێنن. تا گەریلا هەبێت نە داگیرکەر و نە هاوکارانی خاینیان لە کوردستان ناگەنە ئامانجەکانیان. دەوڵەتی تورکی فاشیست و قڕکەر بە هاوکار و خاینەکانیەوە لە وڵاتمان کوردستان فڕێ دەدرێنەدەرەوە. ئێمە سوێند دەخۆین کە سوپای ژنانمان کە بە خوێنی هەزاران شەهیدی قارەمان گەورەبووە و لە هەر چوارپارچەی کوردستان بە بەشداربوونی هەزاران ژن خۆی رێکدەخات و پشتی بە تێکۆشانی مێژوویی ژنان دەسپێرێت کە پێدەنێتە سیهەمین ساڵەیەوە، لە سەر هێڵی بێریتان و بە هۆشمەندی چالاکی سارا-روکەن، ئێمە هەڵمەت دەبەینە سەر دواکەتوویی کە دوژمنایەتی ژنان و گەل دەکات، لەو شوێنەی هەرگیز چاوەڕێی ناکەن ئێمە لە دوژمن دەدەین و بە دڵنیاییەوە داگیرکەران تێکدەچن. تێکۆشانی ئازادی ئێمەی ژنان کە لە زیندانەکان بووەتە سارا و خوداوەند، لە دەشتەکانی کوردستاندا بووەتە بێریڤان و سەرهەڵدان، لە چیاکانی کوردستان بوونە بێریتان و سوپا، مێشکی داگیرکەرانیان تەقاندووە و بوونە زیلان، لە وشیاریدا بوونە سەما و پارتی، وەک چۆن لە رۆژئاوا و شەنگال داعش کە دوژمنی مرۆڤایەتییە شکستیان داوە، لە رۆژهەڵات رژێمی مەلاکان کە دوژمنایەتی ژنان دەکات، لە باشور کە سیستمی خیانەت پەڵەی شکۆی نەتەوەییە و لە باکوریش دەوڵەتی فاشیست شکست دەدات، بۆ ژنان و گەلەکەمان لە کوردستان ژیانێکی نوێی دیموکراتیک، ئیکۆلۆژیک، کە ئازادی ژنان دەپارێزێت دادەمەزرێنێت. دەبێت ژنان و گەلەکەمان بزانن و بڕوایان پێی هەبێت کە لەسەر ئەم خاکە پیرۆزە سیستمی قڕکەر و کۆلۆنیالیستی پیاوسالار کە دوژمنایەتی ژنان و گەل دەکات دەڕوخێت و باجەکەی چی بێت ژیانی دیموکراتیک، ئیکۆلۆژیک و ئازادیخواز ساز دەکرێت. تێکۆشانی ٥٠ ساڵەمان دەریخستووە کە هێزی تۆکۆشانی یەکگرتووی ژنان و گەلان خاوەنی ئەو ئیرادەیە کە بتوانێت هەموو دەسەڵاتە فاشیست و دواکەوتووەکان لە ناوببات. تێکۆشانمان سەلماندوویەتی لە رۆژئاوا شۆڕش و لە رۆژهەڵات سەرهەڵدان چۆن پێکدێت. لە چیا و دەشتەکانی کوردستان سی ساڵە لەسەر بنەمای سوپای ژنان تێکۆشانی گەریلاییمان بەردەوامە. ئەوانەی دەیانەوێت ئەو هێزە تاقیبکەنەوە لەبەرامبەر خۆیاندا بێریتان، زیلان، رۆژبین، سارا، روکەن، ئارین، ئاڤێستا، مزگینەکان دەبینن و دەبێت کەس گومانی نەبێت کە ئەم ئیرادەیە هەلومەرجەکەی چی دەبێت با ببێت رۆژ لە دوای رۆژ گەورە دەبێت و بێ ئەملاو لا لە دوژمن دەدات. ئێمە سوپای ژنانی ئازادی کوردستان بەو هێزەی لە رێبەرایەتیمان وەرمان گرتووە، بەو ئەزمونەی کە لە مێژوودا وەرمان گرتووە و بە بڕیارداری کە ئێمە لە تامەزرۆییمان بۆ ئازادی وەرمانگرتووە، بە توڕەییمان بەرامبەر بە دەوڵەتی فاشیست و قڕکەر کە دوژمنایەتی ژنان دەکات، ئێمە هەموو جۆرە دواکەوتوویی و دەسەڵاتی پیاوسالار دەڕوخێنین، ئێمە خاوەن ئەو بڕوا و بیر و ئیرادەیەین.
گەلی هێژای ئێمە؛ تێکۆشانی ئازادی ئێمە بە پێشەنگایەتی رێبەرمان پەنجا ساڵە بێوەستان بەردەوامە. تێکۆشانی ئێمە سنورەکانی کووردستان و رۆژهەڵاتی ناوەڕاستی تێپەڕاندووە و لە جیهاندا بۆ هەڵوێستێکی هاوکار گۆڕاوە و لە دەوری دروشمی ژن، ژیان، ئازادی راپەرین دەستیپێکردووە. لەگەڵ ئەوەشدا رەنجدەران، کرێکاران، شۆرشگێڕان، دیموکرات، ژینگەپارێزان و ئەنتی کاپیتالیستەکانی کۆکردووتەوە و وەک تەڤگەرێکی زیرەک و داواکاری بۆ هاوبەشی تێکۆشان، جێەبجێ بووە. لەگەڵ ئەوەی کە ٢٥ ساڵە سیستمی ئەشکەنجەی نێودەوڵەتی ئیمڕالی هەیە، ریبەرتیمان بووەتە هیوای ئازادی ژنان، گەنجان، گەلان، بە هێزی ناوەندیبوونی رۆناکبیری کوردستان، رۆژهەڵاتی ناوەڕاست و ژنانی جیهان زانا بووە و ئاراستەی رێگەی چارەسەری و مۆڕال و بوێری گرتووەتەبەر. دەوڵەتی فاشیست کە لە بەرانبەر وزەی گەورەی رێبەرتی، لەبەرانبەر ئیرادەی شەڕی گەریلای ئازادی کە سیاسەتی رەتکردنەوە و لەناوبردنی پووچەڵ کردووە، باوەڕێ خۆی بە هێزێک کە لە سیستمی کاپیتالیست وەرگرتووە، هێرشی کیمایی و ئەتۆمی زیاد کردووە. دەوڵەتی فاشیستی قڕکەر شەش مانگە لە زاپ، ئاڤاشین و مەتینا تێکشکاوە، لە بەرانبەر شەڕی گەریلا ناتوانێت پیشڕەوی بکات، لە دوو مانگی دواییدا هێرشەکانی بە کیمیایی و ئەتۆم زیاتر کردووە. بە هێرشی چەکی کیمیایی دەیەوێت تێکشکانی خۆی لەبەرانبەر گەریلا بشارێتەوە و لە گۆڕەپانی داگیرکەری پێشڕەوی بکات. راستی شەڕ لە چیاکانی کوردستان ئەنجام بەهۆی بەرخۆدانی گەریلا وەک ئاماری رۆژانە و مانگانە بۆ رای گشتی بڵاودەکرێتەوە. ئەو تاوانانەی کە دەوڵەتی داگیرکەری فاشێست لە شەڕدا کردوویەتی، هەموو رۆژێک لە رێگەی میدیاکانەوە رادەگەندرێت. لە ١٧ی نیسانەوە کاتێک شەڕی داگیرکەری دەستیپێکرد، دەوڵەتی فاشیستی تورک لە بەرانبەر گەریلا چەکی ئەتۆمی تاکتیک و چەکی تەرمۆباریک و چەکی کیمیایی بەکاردەهێنێت. لەلایەکی دیکەوە دیاریکراوە کە لەم شەڕەدا ئەوەی زەحمەتی بۆ گەریلا دروست دەکات، خیانەتی پەدەکەیە لەسەر بناغەی هاوکاریکردن لەگەڵ دەوڵەتی تورک کە لە پشتەوە گۆڕەپانەکانی گەریلا گەمارۆ دەدات و ئەگەر ئەم خیانەتە نەبوایە دەوڵەتی داگیرکەری تورح نەیدەتوانی لە هەرێمەکانی پاراستنی میدیا بێت. لە راگەیەندراوەکاندا داواکراوە کە گەلی کورد لەم رووەوە ئاگادار بێت و هەڵوێستی روونی هەبێت. پرسە سەرەکیەکە ئەوەیە کە دووساڵە هێرشی داگیرکەری کە لە هەرێمەکانی پاراستنی میدیا دەستیپێکردووە، بە هاوکاری پەدەکە بەڕێوە دەبرێت. لەم هێرشەکدا ئەو چەکانە بەکاردەهێنرێن کە لە پەیمانی نێونەتەوەییدا قەدەغەکراون و ئەگەر پەدەکە هاوکری لەگەڵ دەوڵەتی فاشیستی تورک نەکات، دەوڵەتی تورک تێک دەچێت. گەریلا هەوڵ دەدات شەڕێک لەنیوان کورداندا دروست بکات و لە بەرانبەر دژوارییەکی گەورەی خیانەتی پەدەکە بەرخۆدان دەدەتا بەڵام ئەمەش تاوەکو سنورێک تەحەمول دەکرێت. لەم رووەوە گەلەکەمان و رای گشتی دیموکراتیک پێویستە لە بەرانبەر تاوانەکانی شەڕی دەوڵەتی فاشیستی تورک و قڕکەر و لەبەرانبەر خیانەتی پەدەکە هەڵوێستی بەهێز دەرببڕن.
دیمەنی هەڤاڵ باز و هەلبەست تاوانی شەڕی دیسانەوە ئاشکرا کرد
دەوڵەتی فاشیستی تورک بە تاوانی جەنگی دژ بە بەرخۆدانی گەریلا نەیتوانیوە ئەنجامێک بەدەست بهێنێت و پلانەکەی جێبەجێ نەبووە. دەوڵەتی فاشیستی تورک لە لایەن پشتیوانی نێودەوڵەتییەوە هێزی بەدەستهێناوە و لە ماوەی چەند مانگی ڕابردوودا بەکارهێنانی چەکی کیمیایی زیاتر کردووە. لە ١٨ی تشرینی یەکەمدا بۆ ڕای گشتی ڕامانگەیاند کە لە دوو مانگی ڕابردوودا ١٧ هاوڕێمان بە چەکی کیمیایی شەهیدکراون. شەهیدبوونی ١٧ هاوڕێمان ڕاستی شەڕی شەش مانگەی ئاشکرا کرد. گەلەکەمان و دۆستەکانمان شاهیدی ئەوە بوون کە چۆن هاوڕێکانمان باز مۆردەم و هەڵبەست کۆچەرین دوا هەناسەیان بۆ ئازادی دا و جارێکی دیکە بە چاوی خۆیان تاوانە جەنگییەکانی دەوڵەتی تورکیان بینی. لە هەمان کاتدا گەلەکەمان بینیویەتی کە هاوڕێیانی ئازیزمان باز مۆردەم و هەڵبەست کۆچەرین ملیان بۆ داگیرکەران دانەنواندووە و هەڤاڵانمان لە تێکۆشانیاندا ئیرادەیان هەیە. ئەوە ئاشکرا بووە کە ئێمە شەڕێک لە دژی دەوڵەتی تورک دەکەین، لە چ بارودۆخێکدا ئەم شەڕە بەڕێوەدەچێت و بە چ ئیرادەیەک گەریلا بۆ شکستپێهێنانی داگیرکەران بەرخۆدان دەکات. بەم دیمەنانە جارێکی دیکە نیشان دراوە کە کێ لەم شەڕەدا ڕەوایە و کێ ناڕەوایە، کێ حەقە و کێ تیرۆریستە، کێ ئازادیخوازە و کێ قڕکەرە، کێ خاوەنی ئەخلاقە و کێ هیچ ئەخلاقێکی نییە. تەنانەت ئەوانەی نەیاندەویست ئەم شتانە ببینن ئێدی ناتوانن نکوڵی بکەن.
چەند مانگێکە بە ڕای گشتی و گەلەکەمان دەڵێین تاوانی جەنگ ئەنجام دەدرێت. پێویستە بزانرێت دۆخێکی قورس بوو بۆ ئێمەی گەریلاکانی کوردستان بەم دیمەنە قورسانە دۆخەکە بخەینەڕوو. بەڵام دەزانین لەم سەردەمەدا ویژدان و عەقڵ و ئەخلاق بە چاو دەبینرێت. مۆدێرنیتەی کاپیتالیزم بە عەقڵی پیاو، مرۆڤی کەڕ و کوێر و خۆپەرست و نابەرپرسیار لە هەموو ڕوویەکەوە دروست کردووە. دەوڵەتێکی نەتەوەیی کە کۆمەڵایەتیبوون و ئازادی و بەرپرسیارێتی شۆڕشگێڕانەی بەسەر مەرگدا بنیات ناوە، لە پرسە کۆمەڵایەتییەکاندا بێباک و ساردە لە پرسی کورد، و ئەمەی کردووە بە گرنگترین کاری سەرەکی. سیستمی مۆدێرنیتەی دەوڵەتی نەتەوە، سیستمی سیاسی جیهانی سەدەی بیست و یەکەمی لەسەر نکۆڵیکردن و لەناوبردنی کورد و کوردستان بنیات ناوە. لە ئەزموونە تاڵەکانی دوو جەنگی جیهانییەوە، هیچ گۆڕانکارییەک لە سیستمی سیاسی جیهانی سەدەی بیست و یەکەمدا ڕووی نەداوە، کە بانگەشەی دیموکراسی دەکات لە ڕووی دوژمنایەتی نێوان کورد و کوردستانەوە. نموونەیەکی ڕوونی ئەمەش ئەوەیە کە پارتەکەمان کە خەباتێکی ڕەوا و مافدار بەڕێوە دەبات، بە تیرۆر ناوزەد کراوە و ڕێبەرمان کە سەرکردەی ئازادیی ژنان و گەلە، بیست و پێنج ساڵە لە سیستەمی ئەشکەنجەی ئیمراڵیدایە کە لە ئەنجامی پیلانگێڕی نێونەتەوەیی برایە ئیمڕالی. هاوکات پشتگیری لە هێرش و داگیرکاریی کوردستان دەکەن، چەکی کیمیایی و تاکتیکی ئەتۆمی دژی گەریلاکانی ئازادی کوردستان بەکاردەهێنرێت و هیچ دەستێوەردانێک لەم بابەتەدا نییە.
ئەم چەکانە لە پەیمانە نێودەوڵەتییەکاندا قەدەغەیە، بەکارهێنانیان تاوانە دژی مرۆڤایەتی و کاتێک لەلایەن هێزێکی دیکەوە بەکاردەهێنرێت، نەتەوە یەکگرتووەکان و رێکخراوی نێودەوڵەتی چەکی ئەتۆمی، ئەو دامەزراوانەی کە گوایە بەرپرسیارن لە ئاسایشی جیهان، قیامەت هەڵدەستێنن. ئەم چەکە لە ساڵی ١٩٢٠ لەلایەن حکومەتی بەریتانیاوە لە دژی بزووتنەوەی کورد بە سەرۆکایەتی شێخ مەحمود بەرزنجی بەکارهاتووە. ساڵی ١٩٨٨ لەلایەن سەدام حسێنەوە کە لەلایەن ئەمریکاوە پاڵپشتی دەکرا دژی خەڵکی هەڵەبجە بەکاری هێنا. لە دوای ساڵی ١٩٨٤ کە خەباتی گەریلامان دەستی پێکرد، لەسەر بنەمای سیاسەتەکانی ئەو سەردەمە لەدژی تەڤگەری ئازادی بەکارهێنرا.
ستراتیژی رەتکردنەوە و سیاسەتی قڕکردن کە دەوڵەتی فاشیستی تورک دژی گەلی کورد ئەنجامی دەدات، لەلایەن خەباتی ئازادی بە سەرکردایەتی ڕێبەرەکەمان لەناودەبرێت و شەڕی وێرانکاری لە دژی هەرێمەکانی پاراستنی میدیا و ئەو گەریلایانەی کە هێزی پاراستنی گەلن نابێت وەک ئاسایی سەیر بکرێن. بە تێکۆشانی ئازادی بە پێشەنگایەتی پەکەکە کە پەنجا ساڵە بەردەوامە، دەستێوەردانی سیاسەتی قڕکردن و مێژووی کۆیلایەتی کراوە و کۆمەڵگایەکی نوێ لەسەر بنەمای ژیانی ئازاد بنیات نراوە. لەسەر ئەم بنەمایە دەیان هەزار شەهید دراون، باجێکی گەورە دراوەتەوە و قوربانی گەورە دراوە، کاری گەورە کراوە. لە کاتی شەڕی داعشدا نزیکەی پانزە هەزار شەهید دران و بەڵای داعش تێکشکێندرا. پێش هەموو شتێک ئەو دەوڵەتە فاشیستانەی کە کوردستانیان داگیر کردووە و خەریکی جینۆسایدن دژی گەلەکەمان، دەبێت هێزەکانی جیهانی کاپیتالیست بزانن کە ئێمە سەد ساڵ خەبات دەکەین بۆ ئازادی و کەرامەتی ژنان و گەل، بە هەموو شێوەیەک باج دەدەین. هەرگیز دەستبەرداری دۆزی پیرۆزمان و خەباتی ڕاست و دروستمان نابین. ئێمە بۆ گەلەکەمان خەبات دەکەین و سوێندمان بۆ ڕزگارکردنی ژنان و گەلەکەمان لە داگیرکەر و خیانەتکاران، ئازادکردنی نیشتیمانە دێرینەکەمان، ئازادی جەستەیی رێبەرمان کە هۆکارە بۆ هەبوونی ئێمە، سەرچاوەی سەرەکی و بنەڕەتی هێزی ئێمەیە خواردووە و دەتوانین هەزاران ساڵ بۆ ئەم شتانە خەبات بکەین. ئێمە بەم باوەڕە خەباتمان بەهێز دەکەین و ڕایدەگەیەنین کە بە دڵنیاییەوە سەردەکەوین. داوا لە ژنان و گەنجان و گەلی وڵاتەکەمان، دۆستەکانمان و ڕای گشتیی دیموکرات دەکەین، هەڵوێستێکی بەهێز لە دژی تاوانە جەنگییەکانی دەوڵەتی فاشیست و بەرامبەر بە خیانەتکاران نیشان بدەن.
ف.ق / هـ.ب
