پارتو دیموکراسی و یەکسانی گەلا (دەم پارتی) "گلێرۆنییەو  کاتو ڕاوەبەردە و هەرێمو دیموکراتیکی" وێش جە مییانو  کۆنگرەو کلتووری ئامەدی ئەنجامشدا.

گلێرۆبییەکەی بە دروشموو "جە ڕاوەبەری هەرێمو دیموکراتیکیۆ پەی گلێرگێوە دیموکراتیک"ی لوا ڕاوە.

جە گلێرۆبییەکەینە تونجەر باقرخان، هامسەرۆکو دەم پارتی، کەسکین بایندر، هامسەرۆکو پارتو هەرێمە دیموکراتیکەکا (دەبەپە) ی و هامسەرۆکێ شارەوانییەکا شار و پارێزگاکا بەشدارێ بێنێ.

دۆغان خاتوونە، هامسەرۆکە و شارەوانی ئامەدەی جە گلێرۆبییەکەینە ئەرەیاوناش؛ ئاڏێ جە ڕووانگە و خزمەتکەردە و گەلی و هەم جە بوارو ئاشتینە گەشبینێنێ.

 دۆغان خاتوونە واتش: "چی پرۆسەنە کە باس جە ئاشتی، دیموکراتیزەکەردەی و بنیاتنیاو ئاشتی کۆمەڵایەتی مکەرمێ، بێگومان وەرپرسیارێتی یەرەمەزیا هەرێمیەکا زیاتەر بۆنە. پۆکەی مشۆن بە وەرپرسیارەتیۆ ئەرەمەزیارە هەرێمیەکێ بەهێزێ کریانە، هەرپاسە پەیوەندییەکێ چنی گلێرگەی و گەلی وەڵێ گرڏ چێوێ بانە."

ئیرت سیستەمو جەهانی پی جۆرە مەمەنۆوە

تونجەر باقرخان، هامسەرۆکو دەم پارتی جە وتارەکێشەنە واتش: "جەنگەکێ حەر چنی جە گرڏ و جەهانینە ڕووەمڏانە، پاڵو ئێمەیچەنە بە هەمان شێوە ئینا ئارانە، ئا حەقیقەتەی کە ئیتر سیستەمو جەهانی پی جۆرە مەمەنۆوە، حەقیقەتا. پۆکەی پێسەو وەرکەوتوو دلێڕاسەی پەنەوازیما بە ئاشتی جەهانی و هەرێمیا" و واوەیش کەردۆ کە ئاڏێ خاوەنداری جە ئاشتی مکەرا.

هامپەیمانی کۆمەڵایەتی تازە

باقرخان جە درێژە و وتارەکێشەنە ئاماژەش پانەیەدا کە پەیوەندییەکێ تورکیای و کوردا تاریخێ دوور و درێژا هەن و جەختیشش چانەیە کەردۆ کە مشۆم سەر جەنۆ ئی پەیوەندییەی لاوازبییەن بەهێز کریۆوە.

باقرخان ئەرەیاوناش: "ئێژا ئۆجالان سەر و ئی بنەمێ جە دماین گلێرۆبییەیەشەنە باسش جە 'یاساو واڵە و برایەتی و هامپەیمانی کۆمەڵایەتی تازەی'کەرد. سەر و ئا دووە چەمکەی ڕێوە پەی ڕزگاربییەی  جە جەنگ و ململانێەکا و بنیادنیا و پێوەرە ژیوای ئەخلاقی و سیاسی کریۆنە. یاساو واڵە و برایەتی، پێسە ئێژا ئۆجالان ماچۆنە: "یاساو یەکسانینە، پێوەرە ژیوای یەکسانیا جە چوارچێوێوە دیموکراتیکەنە."

دەقێوە نوویسریاو یاسایی

باقرخان جە بەردەوامیشەنە واتش: "جە حەقیقەتەنە مزانا ئامیان و پەرسە و کوردی چێشا؟ ئانەن کە بەساڵانە بە بەهانێ جۆراوجۆر پەرسە و کوردی گفتوگۆش سەر کریۆنە، بەڵام قەت نەیاوان ڕێککەوتێوە هامبەش و ئینەیچ نەکریان دەقێوە نوویسریای یاسایی."

دابینکەردە و چوارچێوێوە یاسایی هەرمانە و پەرلەمانینە

باقرخان ئەرەیاوناش کە پەرلەمان چوارچێوەی یاسایی دابین مکەرۆ و واتش: "چی پەرلەمان؟ چونکە ئاشتی بەتەنیا بە بەربڕییە و نیازپاکی بەدی نمێ، بەڵکوم مشۆم بە یاسا مسۆگەر کریۆنە، پۆکەی ماچمێ ئەرکو پەرلەمانین."

باقرخان جە دما دماینە واتش: " مشۆم ئا قەیومێ سەر و شارەوانیەکاشا نریێنێرە، کیشیاوە. هەرپاسە بەڕێوەبەرییە هەرێمیەکێ پێسە و چامێ، سردێ، نەخشە ڕێوە جە بوارو هەرێمە دیموکراتیەکا بەهێز کریۆنە."