بە پاو ڕوانگەو سوری پەی مافەکا مرۆڤی (سۆهر)، ئەندامێ هێزە ئەمنییەکا حکومەتو دیمەشقی جە حەلەبەنە جە کاتو جابەجێ کەردە  و ئەرکە دادوەرییەکاشەنە هرووژمشا کەردەن سەر دادوەرەکەی.

ئەرەیاویا هێزە ئەمنییەکێ تندوتیژی فرەشا جەدژو دادوەرەکەی ئەنجام دان، دماو ٢٤ سەعاتا سجنکەردەی وەردریان، ئاماژەیش پانەیە دریان بەمەڵامەتو فرەی تندوتیژییەکا دۆخو تەندروست دادوەرەکەی ناجێگیرا.

پێسە و ناڕەزایەتیێ جە دژو ڕووەداکەی ئەندامێ و کارمەندێ دادگاو حەلەبی مانیشا جە هەرمان کەردەی گێرتە و دواو ونە پەرسایشاوە جە هێزە ئەمنییەکا کەردەن.