گلێرۆبییە و بەینو  هامسەرۆکا گرڏی پارتو یەکسانی و دیموکراسی گەلا (دەم پارتی) تولای حاتەم ئۆغۆللارە و تونجەر باقرخان چنی سەرۆکو گرڏی پارتو گەلوو کۆماری (جەهەپە) ئۆزگور ئۆزەل دەسش پنەکەرد.

سەرۆک و یاگەگیرێ فراکسیۆنا دەم پارتی گوڵستان کلیچ کۆچیگیتە و سەزای تەمەلیش بەشداری شاندەکەی بیێ. شاندو دەم پارتی جە مییانو  گرڏی جەهەپەی جە لایەنو سکرتێرو گرڏی جەپەهەی سەلین بۆکە، یاگە گیرە و سەرۆکو گرڏی مەریەم گوڵ چیفتچی و سەرۆک فراکسیۆنو جەهەپەی موراد ئەمیری پێشوازیشا ونەکریا.

دماو  سڵام کەردەی، شاندو دەم پارتی و جەهەپەی لوێ تەلارە و گلێرۆبییەکەی. ئۆزەل، وەردەموو تەلارەلێنە پێشوازیش جە شاندو دەم پارتی کەرد. دماو وێنەگێرتەی و پێشکەشكەرەد و تاجە ولی، شاندەکە لوێ تەلارەکێ. گلێرۆبییەکەی دوور جە چەموو میدیاکاوە بەردەواما.

دیار نییا ئایا جە دماو  گلێرۆبییەکەی ئەرەیاونای وەڵا مکەراوە یان نا.