ئەرەیاۋېیا کە دەسەو تەحریر شامی (هەتەشە) سەرسەعبو ئارۊی دماو ئانەی بە تەمامی حەما و حومسش کۆترۆڵکەردەن، دیمەشقیچش کۆنترۆڵ کەرد و سەرۆکوەزیرانو سوریای محەمەد غازی جەلالی جە ئەرەیاۋنێوەنە باسش چانەی کەرڎەن کە ئاماڎۍ هامکارینۍ چنی حکومەتو راگوزەری.

جەلای ئانەش وست ڕووە کە ئارۆ ملۆ نوسینگەکەش و درێژە بە هەرمانەکاش مڎۆ و داواش جە هاموڵاتیا سوری کەرڎ کە زەرەر بە مڵک و یانەی گرڎیی نەیاونا. جەلالی باسش جە هەواڵەکا پێوەس بە لوای ئەسەدیش نەکەرد.

هەتەشە جە ٢٧و نۆۋەمبەری بە هرووژمەکەیش پەی سەرو حەڵەبی دەسش بە جموجۆڵی کەرد و دماو حومس و حەمای، دیمەشقیچش کۆنترۆڵ کەرد. هەتەشە ئەرەیاۋناش، سەرۆکو دۆڵەتی بەشار ئەسەد وڵاتەکەش جیائاستەن.