جە کراسنۆدارەنە گەشمەرڏێ مانگە و ئایاریشا یاڏکەردێوە
کوردسانیێ جە هەرێمو کراسنۆدارو ڕوسیاینر گلێرێ بیێوە، سەرمەشقێ پەکەکەی عەلی حەیدەر قەیتان، ڕەزا ئاڵتون، هەرپاسە گەشەمرڏە مەناف نادرشا یاڏ کەردۆ.
جە مییانو "یانەی کورد"ینە هەرێمو کراسنۆدارو ڕوسیاینە بە بۆنۆ و ڕۆو گەشمەرڏا، کوردەسانیا هەرێمەکەی گلێرۆبییێوەشا ڕێکوزت و گەشمەرڏێ مانگە و ئایاریشا یاڏ کەردۆ.
گلیرۆبییەکەی بە دەقێوە ڕێزگێرتەی جە گەشمەرڏا شۆڕشی دەسش پنکەرد، دماتەر سەرو تاریخی و واتاو ڕووەکەی قسێ کریا. جە گلێرۆبییەکەینە کادرا سەرمەشقێ پەکەکەی عەلی حەیدەر قەیتان و ڕەزا ئاڵتونی کە بیێنێ بە ڕۆحو شۆڕشگێڵا، هەرپاسە گەشمەرڏێ مێڏانو سۆڤێتو وەڵینی گەشمەرڏە مەناف نادر بە ڕێزدارۆ یاڏ کریاوە.
ئەندامو کەنەکەی فەیزۆ حوسێن، جە گلێرۆبییەکەینە قسێش کەردێ و ئامای سەرەرە و، ئەوەکۆشای، واتا و گرنگی ئی گەشمەرڏاش موبارەک کەرد.
ئەندامو ڕاوەبەرا کوردا کراسنۆداری، بەرزان حەمید عەلی هامکاتەنە کوڕە مامۆ گەشمەرڏە مەنافیا، سەرو تاریخی و ڕەنجەکا گەشمەرڏە مەنافی قسێش کەردێ و واتش: "گەلەکەما جە یۆبییە و سۆڤیەتو وەڵینی فرە کاریگەر بێ بە گەشەمەرڏەبییەیش. پەی تۆڵە کەردەیۆ، بەشداری هەرمانە و ئازادی بیێ".
گلێرۆبییە و یاڏکەردەوەکەی بە دروشموو "گەشمەرڏە مەمرۆنە" و "بژیوۆنە سەرۆک ئاپۆ" دمایش ئاما.
دماو گلێرۆبییەی بە نامێ گەشمەرڏا سەرمەشقێ پەکەکەی، عەلی حەیدەر قەیتان، ڕەزا ئاڵتون و گەشەمرڏێ کوردا یۆبییەو سۆڤیەتی وەڵینی، مەناف نادر، واردە و خێرەش سەرو بەشداربییەکارە دابەشکەرد.
جە دما دماینە جە ڕاوەبەرا ڕیش چەرمەی هەرێمو کراسنۆدار عیسا ئەحمەد قسێش کەردێ و جە کەسێتی مەنافینە گرڏ و گەشمەرڏا کوردەسانی یاڏوستیمێ، باسش جە کاریگەریی قارەمانانەو گەشمەرڏا سەر و گلێرگەی کەرد.
چالاکییەکە بە دوعا و دروشم "گەشمەرڏێ مەمرا" دمایش ئاما.
