کوردەسانیێ جە ناوچەو یارشۆڤو هەرێمو ساراتۆڤو ڕووسیاینە بە مەراسیمێوە شایستە گەشمەرڏێ مانگە و ئایاری و هەردووی کادری سەرمەشقێ پەکەکەی گەشمەرڏە عەلی حەیدەر قەیتان و ڕەزا ئاڵتوونیشا یاڏوستیمێ.
مانگە و ئایاری جە بزاوتو ڕزگای گەلوو کوردینە مانگە و گەشمەرڏانە، چی چوارچێوەنە جە گرڏ یاگێنە بە شکۆوە گەشمەرڏا مانگە و ئایاری یاڏ کریاوە. جە بەردەوامی یاڏ کەردەوەکەی جە ساراتۆڤ بە مەراسیمێوە گەشمەرڏێ مانگە و ئایاری یاڏ کریێوە.
مەراسیمەکە جە یانە و کوردا ناوچەکەینە ئەنجام دریا و بە دەقێوە ڕێز ونە نییای دەسش پنەکەرد، جە مەراسیمەکەنە وێنەو ڕابەر ئاپۆی و گەشمەرڏا ڕاو حەقیقەتی نریابێرە. دماتەر هامسەرۆکا یانە و کوردا یاراشۆڤی، میرزا عەلی یوسوبۆڤ و گولیزار یوسبۆڤە قسێشا کەردە.
جە قسەکانە باس جە ماناداری و گرنگی مانگە و ئایاریشا کەرد و ئاماژە دریا پانەی گەلوو کوردی جە سەیە و گەشمەرڏاوە جە جەهانەنە بییەن خاوەن و هێز و ئیرادەی.
هەرپاسە جە مەراسیمەکەنە ئەندامو ئەنجوومەنو دێرگێچو هەرێمو ساراتۆڤی، ئیسماعیل یوسوبۆڤ و ئەندامو مییانو کلتووری ئۆتۆنۆمی یاراشۆڤ، سوڵتان یوسوبۆڤیش جە مەراسیمەکەنە قسێشا کەردە و دەسنیشانشا کەرد ئەوەکۆشای سەردەمی تازە بە بەئامانج یاونا و ڕاو گەشمەرڏا تاجدار مکەرا.
مەراسیمەکە بە درووشوو "گەشمەرڏێ مەمڏانە" دمایش ئاما.
