مڎرامانوو گەلی کە دماو دەسسەرەرەگێرتەی شارەوانی ئێلیحەنە دەسشپنەکەرڎ، ئینا چوارەم ڕۆشەنە. گەل ۋەردەمو گۆک تاکسینە جە جاڎەو سەید بیلالینە کوۍ بیێوە و تا جاڎەو گوڵستانۍ ڕاپیمایشا کەرد. بە درێژایی مەوداو ڕاپیماکەی ئەرەنیشتا ئا ناوچەیە بە بەرزکەردەیۆ پەنجۍ سەرکۆتەی پەشتیوانیشا پەی ڕاپیماکەی بەربڕی.

هامسەرۆکۆو شارەوانی ئێلیحی یەشیل ئیشکە کە جە پۆستەکەیش لادریێنە یاردیدەرو هامسەرۆکو دەم پارتی پەی کاروبارو ڕاوەبەریە دلێینەییەکا محەمەد روشتو تریاکی و پەرلەمانتار مەحمود تاناڵیچ بەشدارۍ ڕاپیماکەی بێنۍ.

چالاکا جە ڕاپیماکەینە جەختشا جە قەوەتکەردەیۆ ئەرەکۆشای پەی خاوەنداری جە شارەوانییەکا کەرڎ.

پەرلەمانتارەو بازنەو مووشو دەم پارتی سومەییە بۆزە جە ۋێنیشاندایەکەینە واچێوەش پێشکەش کەرد و واتش، "دەسەڵاتداری ئاکەپە-مەهەپەی هەرکە تەنگەتاو مەبۆ هرووژم مکەرۆ سەرو کوردی، شارەوانییەکاو گەلوو کوردی. جە دژو گەلوو کوردی سیاسەتو جەنگی تایبەتی ڕاوەبەر مکەرا، گۆشەگیری مسەپنا. بە نیایرەو قەیومیچ نکۆڵی جە ئیراڎەو گەلوو کوردی مکەرا. سیاسەتو قەیومی جە ئەسەنیورت، جۆلەمێرگ، ئیساتێچ ئێلیح، رحا و مێردینەنە نیشانەش مڎۆ، کە چێرو ئا نامێنە تاڵانی، دزی و ستەمی ئەرەیاۋنۆ، گەلوو کوردیچ بە ئەرەکۆشای ۋێش دیموکراسی ئەرەیاۋنۆ".

مڎرامانوو گەلی بەردەواما.