جە وەهار و ساڵێوە جە ساڵەکانە، کاتێ کوردەسان دلێ جوگرافیاکەینە پێسە و ڕیزە کەشێ قەتیسبییەبێ بەینو چوار وڵاتا ئەرەگیریرە پێناسە کریێ. پارتو کرێکارا کوردەسانی (پەکەکە) دلێ سیاسەتو کۆمکووژینە و دلێنەبەردەی پێسە و هیوێوە پەی ئازادی گەلا بەر کەوت. بەرکەوتە و شۆڕشو پارتو کرێکارا کوردەسانی پەرسێوەش چنی وێش هوروشنا: کاتێ گەلێوە کە جە زمان و، شوناس و تاریخی وێشەنە ئەرەبرا بێ ڤنین ئازاد بژیوۆنە؟. پەکەکە ئایدیێوەن جە تاریکیینە بی بە ڕۆشنای، پەکەکە یاگێ بڕوێو ئازادی زهنییەتی و ئازادی گەلا بێ.

پەکەکە بە کۆنگرەو ١٢ـەمینو وێش قەرارو دمای ئاردەی بە گرڏ و ئا هەرمانا و خەباتا ئارد کە چێر و نامێ پەکەکەینە کریێ. ژەنێ جە قامیشلۆنە سەرو قەرارەکا کۆنگرەو پەکەکەی پەی ئاژانسو هەواڵو فوراتی (ANF)قسێشا کەردە.

'چێوێ جە زاڕۆڵەی گرنگتەر بۆنە وڵاتا'

ئەڏیا و گەشمەرڏە عەلی و گەشمەرڏە بیرهات چیلۆی، شازیە ئیبراهیمە کە ئەڏیێوە عەفرینییەنە سەرەتا باسو  ئاکاتەیشە کەرد کە پەکەکەش ئشناسان و واتش: "ئاشنابییەیما چنی پەکەکەی پێسە و ئانەی چانە بێ کە گەلێوە جە مەردەیۆ  زینە بۆوە. پەکەکە ساڵانێوە فرە ئەوەکۆشایش کەرد و قوربانی سەختش دا. پاڵپەشتی نەوەکاماش کەرد و گیانێما پەی دلێ ڕیزەکا پەکەکەی. کاتێ جە ئەڏیایا پەرسمێ ماچانە هیچ چێوێ جە زاڕۆڵەی گرنگتەر نییا، بەڵام چێوێ جە زاڕۆڵەی گرنتەر بۆنە وڵاتا."

واتیشش: "پێسە و ئەڏیایا تاوەکو دمای پاڵپەشتی کۆنگرەە ١٢هەمینو پەکەکەی مکەرمێ، وەرو ئانەی پڕۆسێوە فرە گرنگ و هەستیارا و پڕۆسێوە سیاسییا. ئا قەرارێ جە لایەنو ڕابەر ئاپۆی و هەڤاڵاما جە کەشە ئازادەکاوە دریانە، ئێمە پاڵپەشتیش مکەرمێ.

'ڕاو ئەوەکۊشای پەکەکەی وەرنمەڎەیمۍ'

جە دمادمایی قسەکاشەنە شازیە ئیبراهیمە ئاماژەش پانەی دا چێش بۆ با بۆ ڕاو ئەوەکۊشای پەکەکەی ۋەرنمەڎا و واتش: "زاوڵەکێما کە ئیساتۍ گۊرۍ با سەرو هەمان فکر و فەلسەفەی گۊرۍ با و پېسە چنی زاوڵەکېما کیاستۍ دلۍ جەنگی، جە سیاسەتیچەنە پېوەرە بیمۍ. باوەڕیما پا قەرارا هەن کە جە لایەنو سەرۆکەکەیما و هەمڕایاماوە جە کەشەکاوە مۍ، چونکێ ڕاسێنۍ."

'کاتێ پەکەکە بەرکەوت گەلێوە جە کلتوورەکەیش مەحروم کریا بێ'

هامسەرۆکو تەڤگەرو کلتوور و هونەری میزۆپۆتامیای قەدەر حوسێن سەرو ڕۆڵو پەکەکەی جە پەرەپنەدای کلتوورو کوردی قسێش کەردێ و واتش: "پەکەکە جە کاتێنە بەرکەوت کە گەلێوە دلێشنە جە ویر کریابێ، جە زوان، کلتوور و هونەرەکەش مەحروم کریابێ. ئارۆ جە سەیەو ڕەنجو ئەوەکۆشای پەکەکەینە گەلا وێشا جە دەورو پڕۆژەو نەتەوەی دیموکراتیکینە وینان. پەکەکە تەنیا نامێوە نییەنە، جە گرڏ و مێڏانەکا گلێرگرینر پێسە و ڕۆحێوەن. بانگەوازو ئاشتی و گلێرگە و دیموکراتیکی کە جە لایەن و ڕابەر ئاپۆیۆ کریا، ئینە پێسەو دمای ئاردەی ئاردەی بە جەنگەکا جە کوردەسانەنە هەنگامێوە تاریخییەنە.

پەی ئێمە پەکەکە فکر و ڕۆحا'

هەرپاسە جە بەردەوامینە واتش: "پەی ئێمە پەکەکە پێسە و فکر و ڕۆحین. ئا قەرارێ جە کۆنگرەە  ١٢هەمینو پەکەکەئنە دریێ بانە بناغەو چارەسەری پەرسە و کوردی جە کوردەسانەنە. حەرپۆکەی چنی ئی هێڵێ جارێوە تەر بەڵێنو بەردەوامی ئەوەکۆشای چنی پەکەکەی تازە مکەرمێوە."

'پەکەکە جە هێڵە و ئازادی ژەنانە دەورێ گۆرەش گێڵنا'

هامسەرۆکو کۆمین میوزیکی نەورۆز محەمەد ئاماژەش بە دۆزو ژەنا و وەڵکەوتەیشا کەرد چنی بەرکەوتە و پەکەکەی و واتش: "ئا هونەرەی جە ٥٠ ساڵە و ئەوەکۆشای پەکەکەینە پێشکەش کریا، ئێش و  گەلوو کوردیش جە جەهانەنە وەڵا کەردۆ. پاسەش کەرد کە گەلوو کوردی جە ڕاو میوزیکی و دەنگیۆ گوزارشت جە وێش مکەرۆ. بە تایبەتی جە هێڵە و ئازادیی ژەنانە دەورێ گۆرەش گێڵنا. چونکە ژەنی نەتاوێنێ بە ئازادی هونەرەکەیشا پێشکەش بکەرا، جە سەیەو پەکەکەی و گەشمەرڏاوە دەنگ و ڕەنگش وەڵانییۆ. پێسە و تەڤ-چاندی  قەرزار و ئا گەشمەرڏانمێ کە تا ئیسە پاسەشا کەردەن  کە کلتوری ڕەسەنی پارێزنانە و هەزاران کەسێش ئا ڕێبازەی گێرانە وەر، دلێشانە هێڵە ژەنا پارێزنا."