قەسەدە: شش چەتۍ کوشیۍ، دووۍ ترۊمبێلۍ چەتەکایچ دلێنە بریۍ
قەسەدە ئەرەیاۋناش جە ئاکامو چالاکییەکاشانە جە دژو چەتەکا دۊڵەتو تورکی جە ماوەو ٢٤ سەعاتا دماینە شش چەتۍ کوشیێنۍ، هەشتی تەریچ زامڎارۍ کریێنۍ و دووۍ ترۊمبێلێچ دلېنەبریێنۍ.
مېیانو ئەرەیاۋنای هێزەکاو سووریای دیموکراتیک (قەسەدە)ی، ئامارەو مڎرامانەکا و هرووژمو چەتەکا سەر بە دۆڵەتو ئەرەگیرو تورکیش وەڵا کەردۆ.
قەسەدە جە ئەرەیاۋناکەینە ئاماژەش پانەی دا، هێزەکێما جوابو هرووژمو چەتەکا سەر بە دۊڵەتو ئەرەگیرو تورکیایشا جە ناوچەکا قۆڵو قەرەقۆزاق، دەگاو قەڵاو نەجمی، دەگاو هوشرییەی و تەپو خودی جە ۋەرکۊتوو منبجینە، داوە.
ئاماژەش پانەیچ کەرڎ، هێزەکېما سیستەمێوە ڕادەرو دۊڵەتو ئەرەگیرو تورک-یشا جە ۋەرکۊتوە منبجینە دلېنەبەردەن.
هەرپاسە چەتەکۍ سەر بە دۊڵەتو ئەرەگیرو تورکی بە هامکاریی فڕۆکەی جەنگیی هەوڵشا دا هرووژم بکەرا سەرو تەپو سیرتلی پۊکەی یەکینەکۍ گەشمەرڎە هاروونی کەردێشا مەرام و جە ئاکامەنە ترۊمبېلێوە جۆرو تۆیۆتایشا دلېنە بەرد و ژمارەو زەرەرە گیانییەکاشا نەزانیان.
قەسەدە ئاشكراش کەردەن، جە ئاموو مڎرامانوو جەنگەوانامانە شش چەتۍ کوشیێنۍ و هەشتی تەریچ زامڎارۍ کریێنۍ، هەرپاسە یەرۍ ترۊمبېلۍ دلېنەبریێنۍ، کە یۆشا سیستەمێوە ڕادارا.
