دماو ئانەی هېزی خەڵکو کانتۆنەکا ڕەقە، تەبقای و دێرەزۆری یاوۍ بەنداوو مڎرامانو (تشرین)ی، خەڵکو کانتۆنو جزیرەی کە جە بەنداوەکەنە بێنۍ سەرسەعبو ئارۊی بە ڕەقەرە ۋېیەردێبێنۍ و یاوۍ کانتۆنو جزیرەی.

خەڵکو شارەکا جزیرەی بە درووشمەکاو سڵامکەردەی جە مڎرامانەکا کارەوانەکەی و مڎرامانو قەسەدەی پێشوازییشا جە کارەوانە گێڵایۊکەو ۋێنیشاندەرا کەرد.

گەلوو سەرنیشت و ۋەرکۊتوو سووریای جە ٨و کانوونو دووەمیوە سەرەڕاو بەردەوامی هرووژمە قڕکاری و ئەرەگیریەکا دۊڵەتو تورکی و چەتەکاش، پەی پارېزنای بەنداوو تشرینی و نیشاندای ناڕەزایی جە دژو هرووژمە ئەرەگیریەکا ئینۍ ئێشکگیری مڎرامانو بەنداوو تشرینینە.