نێرگز محەمەدیە: ئێران گەرەکشا پاشەکشە بە ژەنا قارەمانی بکەرۆ
براوۍ سەوقاتی نۆبڵو ئاشتی نێرگز محەمەدیە ئەرەیاۋناش دۊڵەتو ئێرانی بە جە قەنارەدای گەرەکشا پاشەکشە بە ژەنا قارەمانی بکەرۆ و حەقەو شۆڕشو 'ژەنی، ژیۋای، ئازاڎیی' بکەرۊوە.
ئارۆ نێرگز محەمەدیە زینانیەی سیاسییە جە میانو گلېرۊبیەیۍ ڤیدیۆیینە چنی کۆمیتەو مافەکا ژەنا جە ئەنجوومەنو پیرانو فەڕەنسای و ئەنداماو پەرلەمانو فەڕەنسای وتارێوەش پێشکەش کەردە.
نێرگز محەمەدیە ئەرەیاۋناش، ئێران بە جە قەنارەدای پەخشانۍ و وریشەی گەرەکشا ژەنا قارەمانی ناچار بە پاشەکشەی بکەرۆ، واتیچش، داوا جە فەڕەنسای مکەرو شەرتەو سەرەکی هەر گفتوگۆیۍ چنی ئێرانی مردنای سزاو جە قەنارەدای بۆ.
نێرگز محەمەدیە ئەرەیاۋناش، جە زینانەکا ئێرانینە ژمارەو جە قەنارەدای زیاڎش کەرڎەن و گرڎ ڕووۍ چی خاکەنە سەرەو جوانەکاما بە وەریسەو قەنارەیۆ مکریۆ.
ئاماژەش پانەیچ کەرڎ، ئاژەو ژەنا زینانیی سیاسیی فرە خراپا و ڕژێمو ئێرانی هەوڵ مڎۆ حەقەو شۆڕشو "ژەنی ژیۋای ئازاڎیی" جە ژەنا بکەرۊوە.
واتیچش، ئێران بە جە قەنارەدای پەخشانۍ و وریشەی گەرەکشا ژەنا قارەمانی ناچار بە پاشەکشەی بکەرۆ.
جە دما دمایی قسەکاشەنە داواش جە فەڕەنسای کەرد پارێزنای مافەکا مرۆڤی پەی ئێرانی بکەرۆ شەرتەو سەرەکی و تەوەرو سەرەکی هەر گفتوگۆیۍ فەڕەنسای چنی ئێرانی و هەرپاسە هەرمانە بکەرا پەی مردنای سزاو جە قەنارەدای.
