هېزی ئەنداماو شاندو ئیمراڵیی پارتو یەکسانی و دیموکراسی گەلا (دەم پارتی) پەروین بوڵدانە و میدحەت سانجار چنی سەرۆککۆمارو تورکیای رەجەب تەیب ئەردۆغانی کوې بیێوە، جە درێژەو گلېرۆبیەکاشانە کە مەبەس چنەش بەهێزکەردەی پرۆسەیەکەین قەرار بې ئارۆ شاندەکە چنی وەزیرو دادو تورکیای یەڵماز تونچی کوې باوە. بەڵام گلېرۊبیەکەی ئەنجام نمەڎریۆ و دماوزیان پەی کاتێوە نادیاری.

پېوەس بە دماوستەی و ورسپارای گلېرۆبیەکەی دەم پارتی ئینەش وات: "گلېرۊبیەکەی بە مەڵامەتوو فرەیی بەرنامەکاوە ورسپاریان. وەختې واوەی کاتو گلېرۊبیەکەی دیاری کریا، پنەتا ماچمې."