سەرۆکوەزیرانو ئیسرائیلی بینیامین نەتانیاهۆ بەمەبەسو گلێرۆبییەی چنی سەرۆکو ئەمریکای دۆناڵد ترەمپی یاوا واشنتۆن. جە قەتەرەنە بە ئامانجو ئایېربەسی و ئازادکەردە و زینانیا جارێوە تەر ئەرەنیشتەی ناڕاسەوخۆ بەینو ئیسرائیلی و حەماسینە دەسش پنکەرد.
ئارۆ دووشەممە، میدیاکێ ئیسرائیلی ئەرەیاوناشا، سەرۆکوەزیرانو ئیسرائیلی بینیامین ناتانیاهۆ بەمەبەسو گلێرۆبییەی چنی سەرۆکو ئەمریکای دۆناڵد ترەمپ یاوا ئەمریکا. ئاماژە پانەیش کریان، ترەمپ و ناتانیاهۆ سەر و یاوای ڕێککەوتنێ پەی دمای ئاردری بە جەنگو غەززەی و ئازادکەردە و زیندانییە ئیسرائیلییەکا کە جەلایەنو حەماسیۆ گیریێنێ ئەرەنیشتەی مکەرا.
بەپاو زانیارییەکا، ناتانیاهۆ ئارۆ چنی وەزیرو چبەرو ئەمریکای مارکۆ ڕۆبیۆ و نوێنەرو تایبەتو ئەمریکای ستیڤ ویتکۆفیش گلێربۆوە.
بەپاو زانیاریی سەرچەمە فەڵەستینییەکا پەی ڕۆیتەرزی، "بەئامانجو ئێربەتەی ئارۆ جە قەتەڕەنە ئەرەنیشتەی ناڕاستەوخۆ بەینو حەماسی و ئیسرائیلینە پەر جارێوە تەری دەسش پنکەردەن.
سەرچەمەکێ ئەرەیاواناشا، شاندو ئیسرائیلی خاوەن تێڕوانینێوە قایلکەر نەبییەن تاوەکو چنی حەماسی یاوۆنە ڕێککەوتەی. بەڵام نەتانیاهۆ ئاشکراش کەرد، شاندو دانوستاندکارو ئیسرائیلی ڕێنمایی ڕۆشنش پنەن تاوەکو مەرجەکێ ئیسرائیلی قبووڵ کریا، یاوانە ڕێکەوتەو ئێربەستەی.
سەرچەمێوە فەڵەستینیی ئاگاداریش بە ئاژانسو فرانس پرێسی (AFP) ئەرەیاوناش، ئەرەنیشتەکێ دەسششا پنەکەردەن و "هەڵوێس و جواب جەڕاو نێوەندگیرەکاوە وەڵاکریێنێوە."
هەردووی سەرچەمە فەڵەستینییەکی ئاماژەشا پانەی کەردەن، دماین پێشنیار کە جەلایەنو ئەمریکایۆ کریان، بریتییا جە ئێربەستەی ٦٠ ڕوە. بەپاو پێشنیارەکەی، پەنەوازا حەماس چی ماوەنە ١٠ زینانێ زینێ و بڕێ تەرمێ ڕادەسو ئیسرائیلی بکەرۆ، جەوەراوەرو ئینەینە پەنەوازا گیریا فەڵەستینییەکێ کە ئینه زینانەکا ئیسرائیلینە، ئازادێ کریا.
دۆناڵد ترەمپ ڕۆو یەکشەممەی ئەرەیاونابێش، دەرفەتێوە خاس هەن تاوەکو ئی هەفتەیە چنی حەمماس ڕێکەوتێوە پەی ئازادکەردە و زینانیا غەززەی و ئێربەستەکەی ئەنجام دریۆ.
نەتانیاهۆ وەڵێ ئانەی بلۆ واشنتۆن هیزی ئەرەیاونابێش، ڕەنگە گلێرۆبییەی چنی ترەمپی بۆنە مەڵامەتوو یاوای ڕێکەوتەی جەبارە و غەززەیۆ.
